ആഫ്രിക്കൻ രാജ്യമായ ടാൻസാനിയയിൽ 49 യാത്രക്കാരുമായ പോയ വിമാനം തടാകത്തിൽ തകർന്നുവീണു. ടാൻസാനിയയിലെ വിക്ടോറിയ തടാകത്തിലാണ് വിമാനം തകർന്നു വീണത്. മ്വാൻസയിൽ നിന്ന് ബുക്കോബയിലേക്ക് പോവുകയായിരുന്ന വിമാനമാണ് തകർന്നത്. 23 യാത്രക്കാരെ രക്ഷപ്പെടുത്തിയെന്നാണു റിപ്പോർട്ട്.
കാലാവസ്ഥ മോശമായതാണ് അപകടത്തിനു കാരണമായതെന്നു കഗേര പ്രവിശ്യയിലെ പൊലീസ് കമാൻഡർ വില്യം വാംപഗലെ പറഞ്ഞു. രക്ഷാപ്രവർത്തനം പുരോഗമിക്കുകയാണ്.
