കാബൂൾ: ഏഷ്യ-പസഫിക് മേഖലയിൽ ഏറ്റവും ഉയർന്ന മാതൃമരണ നിരക്ക് അഫ്ഗാനിസ്ഥാനിലാണെന്ന് ഉയർത്തിക്കാട്ടിക്കൊണ്ട് യുണൈറ്റഡ് നേഷൻസ് പോപ്പുലേഷൻ ഫണ്ട് രംഗത്തെത്തി. യുദ്ധത്തിൽ പ്രസവസമയത്ത് മാതൃമരണനിരക്ക് വർദ്ധിക്കുന്നതിൽ ആശങ്കയും പ്രകടിപ്പിച്ചു. ഓഗസ്റ്റ് 17-ന് പുറത്തിറക്കിയ യുണൈറ്റഡ് നേഷൻസ് പോപ്പുലേഷൻ ഫണ്ട് റിപ്പോർട്ട് അനുസരിച്ച്, 2025-ഓടെ അഫ്ഗാനിസ്ഥാനിൽ 51,000 മാതൃമരണങ്ങൾക്ക് സാക്ഷ്യം വഹിക്കാൻ സാധ്യതയുണ്ട്. അഫ്ഗാനിസ്ഥാൻ്റെ വിദൂര പ്രദേശങ്ങളിൽ, ഏകദേശം 24,000 സ്ത്രീകൾ ഓരോ മാസവും പ്രസവിക്കുന്നു, അതുകൊണ്ട് തന്നെ രാജ്യത്ത് പരിശീലനം ലഭിച്ച നഴ്‌സുമാർക്കും ശിശുപരിപാലകരുടെയും പ്രവേശനം ആവശ്യമായി വരുന്നത്. അഫ്ഗാനിസ്ഥാനിലെ 100,000 പ്രസവങ്ങളിൽ 396 ഗർഭിണികളാണ് 2018-ൽ മരിച്ചത്, മുൻ വർഷങ്ങളെ അപേക്ഷിച്ച് ഗണ്യമായ കുറവാണിത്, ഇത് ഈ വർഷത്തെ കണക്കുകളുടെ പകുതിയോളം വരും.
അഫ്ഗാനിസ്ഥാനിലെ മെഡിക്കൽ മേഖലയ്ക്കായി പ്രതിവർഷം 1ബില്യൺ ഡോളറിലധികം സംഭാവനായി നൽകുന്നുണ്ട്, എന്നാൽ കഴിഞ്ഞ വർഷം ഓഗസ്റ്റിൽ താലിബാൻ അധികാരം തിരിച്ചെടുത്തപ്പോൾ, ഈ സഹായങ്ങൾ എല്ലാം നിലച്ചു. അഫ്ഗാനിസ്ഥാൻ ലോകത്തിലെ “ഏറ്റവും മോശമായ” മാനുഷിക പ്രതിസന്ധിയും പട്ടിണി പ്രതിസന്ധി ദാരിദ്ര്യവും അനുഭവിക്കുന്ന സാഹചര്യത്തിലാണ് ഇത് സംഭവിക്കുന്നത്, തൊഴിലില്ലായ്മ ഏറ്റവും കൂടുതലുള്ളതും അഫ്ഗാനിസ്ഥാനിലാണ്. കാബൂളിൽ നിലനിൽക്കുന്ന സാമ്പത്തിക പ്രതിസന്ധി ഈ മേഖലയിൽ കടുത്ത ദാരിദ്ര്യത്തിന് കാരണമായി. വിശകലന വിദഗ്ധരുടെ അഭിപ്രായത്തിൽ, ദാരിദ്ര്യം വർദ്ധിക്കുന്നതിനുള്ള പ്രധാന കാരണം രാഷ്ട്രീയ മാറ്റങ്ങളാണ്. കൂടാതെ, രാജ്യത്തെ താലിബാൻ ഭരണത്തെത്തുടർന്ന്, പല സ്വകാര്യ സംരംഭകരും അഫ്ഗാനിൽ പ്രവർത്തനം നിർത്തി അത് രാജ്യത്തെ കൂടുതൽ പ്രതികൂലമായി ബാധിക്കുന്നുണ്ട്. മാത്രമല്ല, രാജ്യം മാനുഷിക പ്രതിസന്ധിയിൽ നിന്ന് കരകയറുമ്പോൾ ദശലക്ഷക്കണക്കിന് അഫ്ഗാനികൾ പട്ടിണിയുടെ വക്കിലാണ്. 2005ന് ശേഷം മറ്റേതു രാജ്യത്തിനെ കാലും ഏറ്റവും കൂടുതൽ കഷ്ടപ്പാടുകൾ അനുഭവിക്കേണ്ടി വരുന്നത് അഫ്ഗാനിസ്ഥാനാണ്.
