നാഷ്ണൽ ഗെയിംസിൽ വനിതകളുടെ അമ്പെയ്തിൽ കേരളത്തിന് സ്വർണം. ഫൈനലിൽ മണിപുരിനെ തോൽപിച്ചാണ് കേരളം സ്വർണം നേടിയത്. ദേശീയം ഗെയിംസിൽ കേരളത്തിന് രണ്ട് വെളളി മെഡൽ കൂടി ഇന്ന് ലഭിച്ചു. പുരുഷൻമാരുടെ ഖോ-ഖോയിൽ കേരള ടീം വെളളി നേടി.
നേരത്തെ വനിതകളുടെ ഭാരോദ്വഹനത്തിൽ കേരളത്തിൻ്റെ ആൻ മരിയ വെള്ളി മെഡൽ സ്വന്തമാക്കി. 87 പ്ലസ് കിലോ വിഭാഗത്തിലാണ് ആൻ മരിയ വെള്ളി നേടിയത്. 211 കിലോ ഉയർത്തിയ ആൻ മരിയ മികച്ച പ്രകടനമാണ് പുറത്തെടുത്തത്. വനിതകളുടെ ലോംഗ് ജമ്പിൽ കേരളം സ്വർണം നേടിയിരുന്നു. നയന ജെയിംസ് ആണ് കേരളത്തിനായി സ്വർണം നേടിയത്. മറ്റൊരു കേരള താരമായ ശ്രുതിലക്ഷ്‌മിയ്ക്കാണ് ഈയിനത്തിൽ വെങ്കലം.
പുരുഷവിഭാഗം ഖോ ഖോയിലും കേരളം വെള്ളി മെഡല്‍ നേടി. ഫൈനലില്‍ മഹാരാഷ്ട്രയോട് പരാജയപ്പെട്ടു. സ്കോര്‍ 30–26. വനിതകളുടെ ഫൈവ് ഓണ്‍ ഫൈവ് ബാസ്കറ്റ്ബോളിൽ കേരളം സെമി ഫൈനലിലെത്തി. തമിഴ്നാടിനെ 95–54ന് തകര്‍ത്തു. നാളെ നടക്കുന്ന ഫൈനലില്‍ മഹാരാഷ്ട്രയാണ് കേരളത്തിന്റെ എതിരാളികള്‍.
