ഏഷ്യ കപ്പ് സൂപ്പർ ഫോർ മത്സരങ്ങൾ ഇന്ന് മുതൽ; ഇന്ത്യ പാക്ക് പോരാട്ടം നാളെ

ദുബായ്: ഏഷ്യ കപ്പിലെ ഗ്രൂപ്പ് പോരാട്ടങ്ങൾ അവസാനിച്ചു. വെള്ളിയാഴ്ച ഹോങ്കോംഗിനെ തകർത്ത് പാക്കിസ്ഥാൻ സൂപ്പർ ഫോറിലേക്ക് യോഗ്യത നേടി. ഹോങ്കോംഗിനെ 155 റൺസിനാണ് പാക്കിസ്ഥാൻ തകർത്തത്. ഇന്ന് മുതലാണ് സൂപ്പർ ഫോർ മത്സരങ്ങൾ തുടങ്ങുക. രാത്രി 7:30 ന് ഷാർജ സ്റ്റേഡിയത്തിലാണ് മത്സരം. നാളെ സൂപ്പർ ഫോറിൽ ഇന്ത്യ പാകിസ്താനെ നേരിടും. അതേസമയം ഗ്രൂപ്പ് ബിയിൽ നിന്ന് അഫ്ഗാനിസ്താൻ, ശ്രീലങ്ക ടീമുകളും സ്ഥാനം ഉറപ്പിച്ചിട്ടുണ്ട്. ശനിയാഴ്ച ശ്രീലങ്കയും അഫ്ഗാനിസ്താനും തമ്മിലാണ് സൂപ്പർ-4 ലെ ആദ്യ മത്സരം. ടൂർണമെന്റിൻ്റെ രണ്ടാം റൗണ്ടിലെ മൂന്നാം മത്സരം ചൊവ്വാഴ്ച ഇന്ത്യയും ശ്രീലങ്കയും തമ്മിൽ നടക്കും. സൂപ്പർ-4 ലെ നാലാമത്തെ മത്സരത്തിൽ ബുധനാഴ്ച അഫ്ഗാനിസ്താൻ പാകിസ്താനെ നേരിടും. വ്യാഴാഴ്ച നടക്കുന്ന അഞ്ചാം മത്സരത്തിൽ ഇന്ത്യ അഫ്ഗാനിസ്താനെ നേരിടും. വെള്ളിയാഴ്ച പാക്കിസ്താനും ശ്രീലങ്കയും തമ്മിലാണ് സൂപ്പർ-4 ലെ അവസാന മത്സരം.