ഇംഗ്ലണ്ടില്‍ റോയല്‍ ലണ്ടന്‍ കപ്പ് ടൂര്‍ണമെന്റില്‍ കളിക്കവെ പരിക്കേറ്റ ഓള്‍റൗണ്ടര്‍ വാഷിങ്ടണ്‍ സുന്ദറിന് പകരം മറ്റൊരു ഓള്‍റൗണ്ടറായ ഷഹബാസ് അഹ്‌മദിനെ ആദ്യമായി ഇന്ത്യന്‍ ടീമില്‍ ഉള്‍പ്പെടുത്തി. സിംബാബ്വെ പര്യടനത്തിനുള്ള ടീമിലാണ് ബംഗാള്‍ താരത്തെ ഉള്‍പ്പെടുത്തിയിരിക്കുന്നത്. കഴിഞ്ഞ ഏതാനും സീസണുകളായി ഐപിഎലിലും ആഭ്യന്തര മത്സരങ്ങളിലും നടത്തുന്ന മികച്ച പ്രകടനങ്ങള്‍ 27കാരനായ ഷഹബാസിനു തുണയാവുകയായിരുന്നു. ഐപിഎലില്‍ റോയല്‍ ചലഞ്ചേഴ്‌സ് ബാംഗ്ലൂരിന്റെ താരമാണ് ഷഹബാസ് അഹ്‌മദ്.
