പ്രതിപക്ഷ നേതാവ് വി.ഡി സതീശൻ്റെ മണ്ഡലമായ പറവൂരില്‍ ശ്രീകൃഷ്ണജയന്തിയുടെ ഭാഗമായി ബാലഗോകുലം സംഘടിപ്പിച്ച ശോഭായാത്ര ഉദ്ഘാടനം ചെയ്തത് എ ഐ സി സി അംഗം. എഐസിസി അംഗം വത്സല പ്രസന്നകുമാറാണ് പെരുവാരം ക്ഷേത്രനടയില്‍ ശോഭായാത്ര ഉദ്ഘാടനം ചെയ്തത്. ഹിന്ദു ഐക്യവേദി സംസ്ഥാന വക്താവ് ആര്‍ വി ബാബു അടക്കം ഒട്ടേറെ സംഘപരിവാര്‍ നേതാക്കള്‍ നേതൃത്വം നല്‍കിയ പരിപാടിയിലാണ് കോണ്‍ഗ്രസ് നേതാവ് ഉദ്ഘാടകയായി എത്തിയത്. 10 വര്‍ഷം നഗരസഭാ അധ്യക്ഷയായി പ്രവര്‍ത്തിച്ചയാളാണ് വത്സല പ്രസന്ന കുമാര്‍.
നിയമസഭാ തെരഞ്ഞെടുപ്പില്‍ വി.ഡി സതീശന്‍ സംഘപരിവാറിൻ്റെ സഹായം അഭ്യര്‍ത്ഥിച്ചുവെന്ന ആര്‍ വി ബാബുവിന്റെ വെളിപ്പെടുത്തലിനു പിന്നാലെയാണ് ബാലഗോകുലം പരിപാടിയിലെ എഐസിസി അംഗത്തിൻ്റെ സാന്നിദ്ധ്യം
കഴിഞ്ഞ ദിവസം കോഴിക്കോട് കൊളത്തൂര്‍ ശ്രീ ശങ്കര വിദ്യാമന്ദിരത്തില്‍ നടന്ന ആര്‍എസ്എസിന്റെ രക്ഷാബന്ധന്‍ മഹോത്സവത്തില്‍ കോഴിക്കോട് ഡിസിസി അംഗം രാജീവന്‍ കൊളത്തൂരായിരുന്നു അധ്യക്ഷനായിരുന്നത്
