പാലക്കാട്ടെ സിപിഎം നേതാവ് ഷാജഹാനെ കൊലപ്പെടുത്തിയ കേസില്‍ കൂടുതല്‍ പ്രതികളുണ്ടാകുമെന്ന് പാലക്കാട് എസ്. പി. നിലവില്‍ എട്ട് പേരെയാണ് പ്രതി ചേര്‍ത്തിട്ടുള്ളത്. പ്രതികളുടെ എണ്ണം കൂടാനാണ് സാധ്യത. പൊലീസ് കസ്റ്റഡിയിലുള്ള നാല് പ്രതികളുടെ അറസ്റ്റ് രേഖപ്പെടുത്തി .ഇവര്‍ നാല് പേരും കൃത്യത്തില്‍ നേരിട്ട് പങ്കെടുത്തവരാണ്. മറ്റ് നാല് പ്രതികളുടെ അറസ്റ്റ് ഇന്ന് തന്നെ രേഖപ്പെടുത്തുമെന്നും എസ് പി വ്യക്തമാക്കി. കൊലപാതകത്തിന് പിന്നില്‍ ബാഹ്യ ഇടപെടല്‍ ഉണ്ടോയെന്ന് അന്വേഷണം നടത്തുകയാണ്. ഇതിനായി കോള്‍ വിവരങ്ങള്‍ പരിശോധിക്കുകയാണെന്നും അദ്ദേഹം അറിയിച്ചു.
ഞായറാഴ്ച രാത്രിയാണ് സിപിഎം മരുത റോഡ് ലോക്കല്‍ കമ്മിറ്റി അംഗം ഷാജഹാനെ കൊട്ടേക്കാട് കുന്നംക്കാട് വെച്ച് ആര്‍ എസ് എസ് സംഘം വെട്ടിക്കൊലപ്പെടുത്തിയത്
