Author: T21 Media

തിരുവനന്തപുരം: ഇസ്രയേൽ – ഹമാസ് യുദ്ധം രൂക്ഷമാകുന്ന സാഹചര്യത്തിൽ ഇസ്രയേലിലെ 7000 ത്തോളം വരുന്ന മലയാളികളുടെ സുരക്ഷ ഉറപ്പാക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയൻ കേന്ദ്രവിദേശകാര്യ മന്ത്രി എസ് ജയശങ്കറിന് കത്തയച്ചു. യുദ്ധസാഹചര്യം സാധാരണക്കാരെ അങ്ങേയറ്റം പ്രയാസത്തിലാക്കുന്നു. ഇസ്രയേലിലുള്ള മലയാളികളുടെ കുടുംബങ്ങൾ ആശങ്കയിലാണെന്നും സാധ്യമാകുന്ന സാഹചര്യത്തിൽ എല്ലാ വിധ സുരക്ഷയും ഉറപ്പാക്കണമെന്നും മുഖ്യമന്ത്രി കത്തിൽ ആവശ്യപ്പെട്ടു. ഇസ്രായേലിൽ ഏതാണ്ട് 18000 ഓളം ഇന്ത്യക്കാർ കുടുങ്ങിക്കിടക്കുന്നതായാണ് റിപ്പോർട്ടുകൾ. യുദ്ധം രൂക്ഷമാകുന്ന പക്ഷം ഇവരെ ഒഴിപ്പിക്കാനുള്ള തീരുമാനം കേന്ദ്രസർക്കാർ കൈക്കൊണ്ടേക്കും.

ന്യൂസ് ക്ലിക്ക് റിപ്പോർട്ടർ അനുഷ പോളിൻ്റെ വീട് സന്ദർശിച്ച് സിപിഎം കേന്ദ്ര കമ്മിറ്റി അംഗം ഡോ. ടി എം തോമസ് ഐസക്. ന്യൂസ് ക്ലിക്കിലെ ഇ ഡി റെയ്ഡിനും അറസ്റ്റിനും പിന്നാലെ അനുഷ പോളിൻ്റെ വീട്ടിലും മുന്നറിയിപ്പ് ഇല്ലാതെ റെയ്ഡ് നടത്തിയിരുന്നു ഈ സാഹചര്യത്തിലാണ് തോമസ് ഐസക്കിൻ്റെ സന്ദർശനം. ഫേസ്ബുക്ക് കുറിപ്പിലൂടെയാണ് അദ്ദേഹം ഇക്കാര്യം പങ്കുവയ്ച്ചത്. ഫേസ്ബുക്ക് കുറിപ്പ്: “അനൂഷ പോളിൻ്റെ വീട് കണ്ടുപിടിക്കാൻ കുറച്ചു ബുദ്ധിമുട്ടി. വണ്ടികയറാത്ത ചെറുകുന്നിൻ്റെ ചരുവിൽ പെട്ടെന്നു കാണാൻ കഴിയാത്ത ഒരു ചെറുവീട്. അനുഷയ്ക്കു തന്നെ ഉരുളൻകല്ല് പാതയിലൂടെ താഴേക്ക് ഇറങ്ങിവരേണ്ടി വന്നു. വളരെ കാലം പരിചയമുള്ള ഒരു സുഹൃത്തിനോടെന്നവണ്ണം കൈപിടിച്ചു മുകളിലേക്കു കയറുമ്പോഴാണ് ആളെ തിരിച്ചറിഞ്ഞത്. കന്യാകുമാരിയിൽ അരുണ റോയിയുടെയും മറ്റും നേതൃത്വത്തിൽ നടന്ന സന്നദ്ധപ്രവർത്തകരുടെ ഒരു ക്യാമ്പ്. ഏതാണ്ട് മൂന്നിലൊന്ന് മറ്റു സംസ്ഥാനങ്ങളിൽ നിന്നുള്ള യുവതി-യുവാക്കൾ. ബാക്കി നാട്ടുകാരായ ഒട്ടേറെ ആളുകൾ. എൻ്റെ പ്രസംഗം മലയാളത്തിൽ മതിയെന്നാണ് അവർ പറഞ്ഞത്. അപ്പോൾ ക്യാമ്പ്…

കാസർകോട്: മഞ്ചേശ്വരം തിരഞ്ഞെടുപ്പ് കോഴക്കേസിൽ ബിജെപി സംസ്ഥാന പ്രസിഡന്റ് കെ. സുരേന്ദ്രന് തിരിച്ചടി. അദ്ദേഹം നേരിട്ട്‌ ഹാജരാകണമെന്ന് കോടതി നിർദേശിച്ചു. മുഴുവൻ പ്രതികളോടും ഹാജരാകാൻ കോടതി നിർദേശം നൽകി. കേസിൽ സുരേന്ദ്രൻ നൽകിയ വിടുതൽ ഹർജി ഈ മാസം 25ന് പരിഗണിക്കും. കേസിൽ വിടുതൽ ഹർജി നൽകിയതിനാൽ ഹാജരാകേണ്ടതില്ലെന്ന്‌ സുരേന്ദ്രന്റെതടക്കം പ്രതികളുടെ ഏഴ്‌ അഭിഭാഷകർ വാദിച്ചു. പ്രതികൾ ഒരിക്കൽ പോലും കോടതിയിൽ ഹാജരായിട്ടില്ലെന്നും കേസ് സംബന്ധമായ രേഖകൾ നേരിട്ട് കൈപ്പറ്റാത്ത സാഹചര്യത്തിൽ പ്രതിഭാഗം അഭിഭാഷകരുടെ വാദം നിലനിൽക്കില്ലെന്നും സ്‌പെഷ്യൽ പബ്ലിക് പ്രോസിക്യൂട്ടർ സി ഷുക്കൂറും വാദിച്ചു. കാസർകോട് ജില്ലാ സെഷൻസ് കോടതിയാണ് കേസ് പരിഗണിച്ചത്. കഴിഞ്ഞ നിയമസഭാ തിരഞ്ഞെടുപ്പിൽ മഞ്ചേശ്വരത്തെ ബി.എസ്.പി. സ്ഥാനാർഥിയായിരുന്ന സുന്ദരയ്ക്ക് സ്ഥാനാർഥിത്വം പിൻവലിക്കാൻ രണ്ടര ലക്ഷം രൂപയും സ്മാർട്ട് ഫോണും നൽകിയെന്നും ഭീഷണിപ്പെടുത്തിയെന്നുമാണ് കേസ്. സുന്ദര തന്നെ ഇക്കാര്യങ്ങൾ വെളിപ്പെടുത്തി രംഗത്തെത്തിയിരുന്നു. സുന്ദരയുടെ വെളിപ്പെടുത്തലിനെ തുടർന്ന്, മഞ്ചേശ്വരത്തെ എൽഡിഎഫ് സ്ഥാനാർഥി വി വി രമേശൻ കോടതിയെ സമീപിച്ചതിനെ…

കോൺഗ്രസിൻ്റെ വഴിവിട്ട പോക്കിൽ മനംമടുത്ത്‌ രാഷ്‌ട്രീയപ്രവർത്തനം അവസാനിപ്പിക്കുകയാണെന്ന് മുൻ കെപിസിസി എക്‌സിക്യൂട്ടീവ്‌ അംഗം. അങ്ങാടിപ്പുറം സ്വദേശി പി രാധാകൃഷ്‌ണൻ. 54 കൊല്ലത്തിനിടയിൽ കെഎസ്‌യു യൂണിറ്റ് സെക്രട്ടറിമുതൽ കോൺഗ്രസ്‌ സംസ്ഥാന എക്സിക്യൂട്ടീവ് കമ്മിറ്റി അംഗംവരെയായി. അധ്യാപകസംഘടനാ സംസ്ഥാന പ്രസിഡന്റും സെക്രട്ടറിയുമായി. പല സഹകരണ സംഘങ്ങളുടേയും നേതൃസ്ഥാനത്തിരുന്നു. പാർടി എന്നെ പരിഗണിച്ചില്ലെന്നോ അംഗീകരിച്ചില്ലെന്നോ പരാതിയില്ല. ഇത് എൻ്റെ കുട്ടികൾക്കുവേണ്ടിയാണ്’. കോൺഗ്രസ്‌ നൽകിയ എല്ലാ സ്ഥാനങ്ങളിൽനിന്നും പിൻവാങ്ങുന്നു. മലപ്പുറം അങ്ങാടിപ്പുറം ജില്ലയിലെ സർവീസ്‌ സഹകരണ ബാങ്കിൻ്റെ പ്രസിഡന്റ്‌ സ്ഥാനം രാജിവയ്‌ക്കുന്നതായും രാധാകൃഷ്ണൻ ഫേസ്ബുക്ക് കുറിപ്പിൽ പറഞ്ഞു. ജില്ലയിലെ എ ഗ്രൂപ്പിൻ്റെ പ്രമുഖ നേതാവാണ് രാധാകൃഷ്‌ണൻ. ഫേസ്ബുക്ക് കുറിപ്പ്: ‘ഞാനെൻ്റെ ഇ രാഷ്ട്രീയപ്രവർത്തനം അവസാനിപ്പിക്കുന്നു. ആരോടും പരാതികളില്ലാതെ, പരിഭവങ്ങളില്ലാതെ. മടുത്തിരിക്കുന്നു. മഹത്തായ എൻ്റെ പ്രസ്ഥാനത്തിൻ്റെ ഇന്നത്തെ പോക്ക് മനംമടുപ്പിക്കുന്നു. ഏറ്റവും കൂടുതൽ ഇന്നു നടക്കുന്നത്‌ വീതംവയ്‌പ്പു രാഷ്ട്രീയം. ആരെങ്കിലുമൊക്കെ എന്തെങ്കിലുമൊക്കെ ആകുന്നതിൽ എനിക്ക് വിയോജിപ്പില്ല. പക്ഷേ, വർഷങ്ങളായി രാവും പകലും മഴയും വെയിലും മഞ്ഞും സഹിച്ച് പാർടിക്കുവേണ്ടി…

തിരുവനന്തപുരം: ഏഷ്യാനെറ്റ് മാനേജിങ് എഡിറ്റർ സ്ഥാനത്തു നിന്ന് മനോജ് കെ ദാസ് വീണ്ടും മാതൃഭൂമി പത്രാധിപർ പദവിയിലേക്ക്. സംഘപരിവാർ നേരിട്ടിടപെട്ടാണ് നിയമനം. ഒന്നരവർഷം മുമ്പ്‌ മാതൃഭൂമി പത്രാധിപസ്ഥാനം രാജിവെച്ചാണ്‌ മനോജ് കെ ദാസ് ഏഷ്യാനെറ്റിലേക്ക്‌ പോയത്‌. കടുത്ത സംഘപരിവാർ അനുകൂലിയായ മനോജ്‌ കെ ദാസിൻ്റെ വരവോടെ മാതൃഭുമിയുടെ കാവിവത്കരണം പൂർണമാകും. മാതൃഭൂമി ഓഹരി വാങ്ങിക്കൂട്ടാൻ കേന്ദ്ര മന്ത്രിയും ഏഷ്യാനെറ്റ്‌ ഉടമയുമായ രാജീവ്‌ ചന്ദ്രശേഖർ ശ്രമിക്കുന്നതിനിടയിലാണ്‌ പത്രാധിപ നിയമനം. മാതൃഭൂമി ഡയറക്ടർ ബോർഡ്‌ യോഗം നിയമനത്തിന് അംഗീകാരം നൽകി. മനോജ് കെ ദാസ് ഉടൻ ചുമതലയേൽക്കുമെന്നാണ്‌ വിവരം. മുമ്പ്‌ പത്രാധിപ സ്ഥാനത്തിരിക്കുമ്പോൾ മാതൃഭൂമിയെ കാവിവത്കരിക്കാൻ നടത്തിയ നീക്കങ്ങൾ വിവാദമായിരുന്നു. സംഘപരിവാർ ഭീഷണിക്ക്‌ വഴങ്ങി എസ്‌ ഹരീഷിൻ്റെ നോവൽ ‘മീശ’ മാതൃഭൂമി ആഴ്‌ചപ്പതിപ്പ്‌ പാതിവഴി പ്രസിദ്ധീകരണം നിർത്തിയതും ഇതേ ഘട്ടത്തിലായിരുന്നു. ഇതിനിടയിൽ ഏഷ്യാനെറ്റിലേക്കുള്ള കൂടുമാറ്റം ബിജെപിയുടെയും രാജീവ്‌ ചന്ദ്രശേഖറിൻ്റെയും താൽപര്യപ്രകാരമായിരുന്നു. ഏഷ്യാനെറ്റ്‌ ന്യൂസിനെ ബിജെപി ബഹിഷ്‌കരിച്ച സമയത്താണ് ഇദ്ദേഹം ചാനൽ തലപ്പത്തെത്തിയത്‌. തുടർന്ന്‌ ബിജെപിയുമായുള്ള…

ഒക്ടോബർ 9 വിപ്ലവ നക്ഷത്രം ചെ എന്ന ‘ഏണസ്റ്റോ ഗുവേര ഡേ ലാ സെർന’യുടെ അൻപത്തിയാറാം രക്തസാക്ഷി ദിനം. അർജന്റീനയിലെ റൊസാരിയോയിൽ ജനിച്ച വിപ്ലവകാരി. ഗറില്ലസമരതന്ത്രങ്ങളിലൂടെ സാമ്രാജ്യത്വത്തെ വിറപ്പിച്ച പോരാളി. ക്യൂബൻ വിമോചനപ്പോരാട്ടത്തിൽ ഫിദൽ കാസ്ട്രോയുടെ വലം കൈ ആയിരുന്നു ചെഗുവേര. ക്യൂബൻ വിപ്ലവത്തിൻ്റെ വിജയത്തിനുശേഷം ക്യൂബയുടെ സോഷ്യലിസ്റ്റ് പുന:സംഘടനയിലും സുപ്രധാന ചുമതല വഹിച്ചു. ചെറുപ്പത്തിൽ വൈദ്യപഠനം നടത്തിയ ചെഗുവേര, ദക്ഷിണ അമേരിക്കയിലുടനീളം മോട്ടോർ സൈക്കിൾ യാത്ര നടത്തി. ആ യാത്രയിലെ അനുഭവങ്ങളും നിരീക്ഷണങ്ങളും ചെ ഗുവേരയെ സാമൂഹിക സാമ്പത്തിക മാറ്റങ്ങൾക്കുള്ള പ്രതിവിധി വിപ്ലവമാണെന്നുള്ള തീരുമാനത്തിലെത്തിച്ചു. 1956-ൽ മെക്സിക്കോയിൽ ആയിരിക്കുമ്പോൾ ചെഗുവേര, ഫിദൽ കാസ്ട്രോയുടെ വിപ്ലവ പാർടിയായ ‘ജൂലൈ 26-പ്രസ്ഥാന’ത്തിലെ മുന്നേറ്റ സേനയിൽ ചേർന്നു. 1956 ൽ ഏകാധിപതിയായ ജനറൽ ഫുൾജെൻസിയോ ബാറ്റിസ്റ്റയെ‍ ക്യൂബയിൽ നിന്നും തുരത്തി അധികാരം പിടിച്ചെടുക്കുക എന്ന ഉദ്ദേശ്യത്തോടെ ‘ഗ്രാൻ‌മ’ എന്ന പായ്ക്കപ്പലിൽ അദ്ദേഹം ഫിദലിന്റെ സഹപോരാളിയായി ക്യൂബയിലേക്ക് യാത്ര തിരിച്ചു. ഫിദലിൻ്റെയും ചെഗുവേരയുടെയും നേതൃത്വത്തിൽ നടന്ന…

മലപ്പുറം: മലപ്പുറം കോൺ​ഗ്രസ് നേതൃത്വത്തിനെതിരെ പോസ്റ്റർ പ്രചരണം. ഡിസിസി പ്രസിഡന്റ് വി എസ് ജോയിക്കും എ പി അനിൽകുമാർ എംഎൽഎ എന്നിവർക്കെതിരെയാണ് പോസ്റ്റർ. കച്ചവട രാഷ്ട്രീയം അവസാനിപ്പിക്കണം. പാർട്ടിയെ നയിക്കാൻ അറിയില്ലെങ്കിൽ രാജി വെച്ചൊഴിയണമെന്നുമാണ് പോസ്റ്ററിലുള്ളത്. സേവ് കോൺഗ്രസ് മലപ്പുറം എന്ന പേരിലാണ് പോസ്റ്റർ പതിപ്പിച്ചിരിക്കുന്നത്. മണ്ഡലം പ്രസിഡന്റ്റുമാരുടെ നിയമനത്തിൽ എ ഗ്രുപ്പിനെ അവഗണിച്ചതായി പരാതി ഉയർന്നിരുന്നു. ഇന്നലെ എ ഗ്രൂപ്പ് രഹസ്യ യോഗം ചേർന്നതിന് പിന്നാലെയാണ് പോസ്റ്റർ പ്രത്യക്ഷപ്പെട്ടത്. മഞ്ചേരിയിൽ കെ പി സി ജനറൽ സെക്രട്ടറി ആര്യാടൻ ഷൗക്കത്തിൻ്റെ നേതൃത്വത്തിലാണ് എ ഗ്രൂപ്പ് നേതാക്കൾ കഴിഞ്ഞ ദിവസം രഹസ്യ യോഗം ചേർന്നത്. കെ പി സി സി മുൻ സെക്രട്ടറി വി എ കരീം, കെ പി സി സി അംഗം വി സുധാകരൻ, യൂത്ത് കോൺഗ്രസ് സംസ്ഥാന വൈസ് പ്രസിഡൻറ് റിയാസ് മുക്കോളി തുടങ്ങിയവർ പങ്കെടുത്തു. മണ്ഡലം പ്രസിഡൻറുമാരുടെ നിയമനത്തിൽ ഗ്രൂപ്പിനെ തഴഞ്ഞതിനെതിരെ പ്രതിഷേധം ശക്തമാ ക്കാൻ…

സ്പൈസസ് ബോർഡിൽ ജോലി വാഗ്ദാനം ചെയ്ത് പണം തട്ടിയ കേസിലെ പ്രതിയായ യുവമോർച്ച റാന്നി നിയോജകമണ്ഡലം വൈസ് പ്രസിഡന്റ് രാജേഷ് സി ആർ ഒളിവിൽ. ആരോ​ഗ്യ വകുപ്പിലെ നിയമനത്തട്ടിപ്പ് കേസിൽ മുഖ്യ പ്രതിയെന്ന് സംശയിക്കുന്ന പത്തനംതിട്ട സ്വദേശി അഖിൽ സജീവിൻ്റെ കൂട്ടാളിയായ യുവമോർച്ച നേതാവ് രാജേഷ് റാന്നി സ്വദേശിയാണ്. ഓമല്ലൂർ സ്വദേശിയിൽ നിന്ന് 4,39,340 രൂപ വാങ്ങി വഞ്ചിച്ചുവെന്ന കേസിലും ഇയാൾ പ്രതിയാണ്. രാജേഷിൻ്റെ മൊബൈൽ ഫോൺ സ്വിച്ച് ഓഫ് ചെയ്ത നിലയിലാണ്. നിയമനത്തട്ടിപ്പ് നടത്തിയത് കോഴിക്കോട്ടെ നാലം​ഗ സംഘമെന്നാണ്‌ അഖിൽ സജീവിൻ്റെ മൊഴി. തിരുവനന്തപുരത്തെ ആൾമാറാട്ടത്തിന് പിന്നിലും ഇതേ സംഘമെന്നാണ് അഖിൽ പോലീസിനോട് പറഞ്ഞത്. തിരുവന്തപുരം കന്റോൺമെന്റ് പോലീസും പത്തനംതിട്ട ജില്ലാ പോലീസ് മേധാവിയും വെള്ളി രാത്രിയും അഖിലിനെ ചോദ്യം ചെയ്‌തതിൽ നിന്നാണ് കൂടുതൽ വിവരം വെളിച്ചത്തായത്. എഐവൈഎഫ് നേതാവായിരുന്ന അഡ്വ.ബാസിത്, അഡ്വ. റഹീസ്, അഡ്വ. ലെനിൻ രാജ്, അനുരൂപ് എന്നിവരാണ് കോഴിക്കോട്ടെ നാലം​ഗ സംഘമെന്നും അഖിൽ പറഞ്ഞു. സംസ്ഥാന…

കാഞ്ഞങ്ങാട്: കെഎസ്എഫ്ഇ മാലക്കല്ല് ശാഖയിൽ വ്യാജ ആധാരങ്ങൾ ഹാജരാക്കി 70 ലക്ഷത്തോളം രൂപയുടെ തട്ടിപ്പ് നടത്തിയ കേസിൽ യൂത്ത്‌കോൺഗ്രസ് നേതാവ് റിമാൻഡിൽ. സംഭവത്തിൽ ശാഖാ മാനോജർ രാജപുരം പോലീസിൽ പരാതി നൽകിയതോടെയാണ് ഞെട്ടിപ്പിക്കുന്ന തട്ടിപ്പ് വിവരം പുറത്ത് വന്നത്. അറസ്റ്റിലായ ഇസ്മിയിലിനെ കോടതി റിമാൻഡ് ചെയ്തു. ഇസ്മയിലും സ്ത്രീകളടങ്ങിയ എട്ടംഗ സംഘവും 2019 ഒക്ടോബർ 30ന് മാലക്കല്ല് ശാഖയിൽ ആധാരങ്ങൾ ഹാജരാക്കി വിവിധ ചിട്ടികളിൽ നിന്നായി 70 ലക്ഷത്തോളം രൂപയുടെ ചിട്ടി പിടിച്ചിരുന്നു. എന്നാൽ തിരിച്ചടവ് മുടങ്ങിയതോടെ നടത്തിയ അന്വേഷണത്തിലാണ് ഹാജരാക്കിയിരുന്നത് വ്യാജരേഖകളാണെന്ന് കണ്ടെത്തിയത്. അറസ്റ്റിൽ നിന്നും ഒഴിവാകുവാൻ ഇസ്മായിൽ മുൻകൂർ ജാമ്യത്തിനായി ഹൈക്കോടതിയെ സമീപിച്ചിരുന്നു. എന്നാൽ കോടതി അന്വേഷണ ഉദ്യോഗസ്ഥൻ മുമ്പാകെ ഹാജരാകാൻ നിർദേശിക്കുകയായിരുന്നു. ഹൊസ്ദുർഗ് കോടതിയിൽ ഹാജരാക്കിയ ഇസ്മായിലിനെ റിമാൻഡ് ചെയ്തു.

ന്യൂസ് ക്ലിക്കിനെതിരായ കേന്ദ്ര സർക്കാർ കടന്നാക്രമണം കേരളത്തിൽ അശ്ലീല മാധ്യമ പ്രവർത്തനം നടത്തിയവർക്കെതിരായ നടപടിയുമായി കൂട്ടിക്കെട്ടുന്ന ബിജെപിയുടെയും കോൺഗ്രസിൻ്റെയും നീക്കം പരിഹാസ്യമാണെന്ന് സിപിഎം കേന്ദ്ര കമ്മറ്റി അംഗം ഡോ. ടി എം തോമസ് ഐസക്ക് പറഞ്ഞു. ന്യൂസ് ക്ലിക്കിനെതിരെയുള്ള അടിയന്തരാവസ്ഥയ്ക്കു സമാനമായ നടപടിയെ ന്യായീകരിക്കാൻ ബിജെപിക്കാർ ഇറങ്ങിയിട്ടുണ്ട്. കേരളത്തിൽ ഷാജൻ സ്കറിയക്കെതിരെ എടുത്ത പോലീസ് നടപടികളുമായി സമീകരിക്കാനാണു ശ്രമം. അത്ഭുതപ്പെടുത്തിയതു ചില കോൺഗ്രസ് ആസ്ഥാനവിദ്വാന്മാരും ഈയൊരു സമീകരണവുമായിട്ട് ഇറങ്ങിയത് അത്ഭുതകരമാണെന്നും അദ്ദേഹം ഫെയ്സ് ബുക്ക് കുറിപ്പിൽ പറഞ്ഞു. ഫെയ്സ് ബുക്ക് കുറിപ്പ്: “ന്യൂസ് ക്ലിക്കിനെതിരെയുള്ള അടിയന്തരാവസ്ഥയ്ക്കു സമാനമായ നടപടിയെ ന്യായീകരിക്കാൻ ബിജെപിക്കാർ ഇറങ്ങിയിട്ടുണ്ട്. കേരളത്തിൽ ഷാജൻ സ്കറിയക്കെതിരെ എടുത്ത പൊലീസ് നടപടികളുമായി സമീകരിക്കാനാണു ശ്രമം. ഷാജൻ സ്കറിയ എവിടെ? ഇപ്പോൾ കൽത്തുറങ്കിൽ അടച്ചിരിക്കുന്ന പ്രബീർ പുർകായസ്ഥയും അമിത് ചക്രവർത്തിയും എവിടെ? അതല്ലെങ്കിൽ ഷാജനും ഇന്നു പൊലീസ് ഭീഷണി നേരിട്ടുകൊണ്ടിരിക്കുന്ന ഇന്ത്യയിലെ പ്രമുഖ സാമൂഹ്യ-സാംസ്കാരിക പ്രവർത്തകരും പണ്ഡിതന്മാരുമായ ഗീത ഹരിഹരൻ, ഡി. രഘുനന്ദൻ,…