Author: T21 Media

ന്യൂഡൽഹി: പുൽപ്പള്ളി സഹകരണ ബാങ്ക് തട്ടിപ്പ് കേസിൽ കെപിസിസി മുൻ ജനറൽ സെക്രട്ടറി കെ കെ എബ്രഹാം ഉൾപ്പെടെയുള്ള പ്രതികളുടെ സ്വത്തുക്കൾ ഇ ഡി കണ്ടുകെട്ടി. കെ.കെ. അബ്രഹാമിൻ്റെയും സജീവൻ കൊല്ലപ്പള്ളിയുടെയും 4.34 കോടി രൂപയുടെ സ്വത്തുക്കളാണ് കണ്ടുകെട്ടിയത്. സജീവൻ കൊല്ലപ്പള്ളി, മുൻ സെക്രട്ടറി കെ രമാദേവി, മുൻ ബാങ്ക് ഡയറക്ടർമാർ എന്നിവരുടെ സ്വത്തുക്കളും കണ്ടുകെട്ടി. കഴിഞ്ഞ ഫെബ്രുവരിയിലാണ്‌ ബാങ്കിലെ വായ്പാ തട്ടിപ്പിൽ ഇ ഡി കേസ്‌ രജിസ്റ്റർ ചെയ്യുന്നത്‌. കള്ളപ്പണ നിരോധന നിയമപ്രകാരം കേസെടുത്ത ഇഡി പരിശോധനകൾ പൂർത്തിയാക്കിയിരുന്നു. ഇത്‌ സംബന്ധിച്ച വിജിലൻസ്‌ കേസിലെ പ്രതികൾ ഇ ഡി കേസിലും പ്രതികളായി. വായ്പ്പാതട്ടിപ്പിൽ പ്രധാന ഇടനിലക്കാരൻ സജീവൻ കൊല്ലപ്പള്ളിയെ നേരത്തേ ഇ ഡി അറസ്റ്റുചെയ്തിരുന്നു. കെ കെ എബ്രഹാമിനെ കഴിഞ്ഞ എട്ടിന്‌ ചോദ്യം ചെയ്യാൻ വിളിച്ചുവരുത്തി അറസ്റ്റ്‌ ചെയ്തു.നിലവിൽ രണ്ടുപേരും റിമാൻഡിലാണ്‌. ആകെ 8 കോടിയോളം രൂപയുടെ തട്ടിപ്പാണ്‌ സഹകരണ വകുപ്പ്‌ കണ്ടെത്തിയത്‌. 2015മുതൽ 2018 വരെ മാത്രം 5.62…

തിരുവനന്തപുരം: മുഖ്യമന്ത്രിയുടെ ദുരിതാശ്വാസനിധി വിനിയോഗ കേസിൽ മുഖ്യമന്ത്രിയും മന്ത്രിമാരും ക്രമക്കേട് നടത്തിയിട്ടില്ലെന്ന് ലോകായുക്ത. വിധി പ്രസ്താവത്തിൽ നിന്ന് ഉപലോകായുക്തമാരെ മാറ്റിനിർത്തണമെന്ന പരാതിക്കാരൻ്റെ ഹർജി ലോകായുക്ത തള്ളി. ദുരിതാശ്വാസ ഫണ്ട് വകമാറ്റിയതിൽ മുഖ്യമന്ത്രിക്കും 18 മന്ത്രിമാർക്കുമെതിരെയായ പ്രധാന ഹർജിയും ലോകായുക്ത തള്ളി. പണം നൽകാൻ മന്ത്രിസഭയ്ക്ക് അധികാരമുണ്ട്. മൂന്ന് ലക്ഷത്തിന് മുകളിൽ നൽകിയപ്പോൾ മന്ത്രിസഭ അംഗീകാരം നൽകിയെന്നും മന്ത്രിസഭ അഴിമതിയും സ്വജനപക്ഷപാതവും നടത്തിയതായി കണ്ടെത്തുന്നില്ലെന്നും ലോകായുക്ത വ്യക്തമാക്കി. സെഷൻ 14 പ്രകാരം ഡിക്ലറേഷൻ നൽകാൻ തെളിവില്ല. രാഷ്ട്രീയ അനുകൂല തീരുമാനമായി കണക്കാക്കാനാകില്ലെന്നും ഹർജി തള്ളുന്നുവെന്നും ഉപലോകായുക്തമാരായ ബാബു മാത്യു പി ജോസഫും, ഹാറൂൺ ഉൽ റഷീദും വ്യക്തമാക്കി. മൂന്നംഗ ബെഞ്ചാണ് വിധി പ്രസ്താവ നടത്തിയത്.

ലൈഫ്‌ മിഷനിൽ പട്ടികവർഗ വിഭാഗങ്ങളുടെ ഭവന പൂർത്തീകരണത്തിനായി സർക്കാർ 25 കോടി രൂപകൂടി അനുവദിച്ചു. രാജ്യത്ത്‌ ഭവന നിർമാണത്തിന്‌ ഏറ്റവും കൂടുതൽ തുക ചെലവിടുന്ന കേരളം സമ്പൂർണ പാർപ്പിട സംസ്ഥാനമെന്ന നേട്ടത്തിലേക്ക് മുന്നേറുകയാണ്. കേന്ദ്രസർക്കാർ സാമ്പത്തികമായി തകർക്കാൻ ശ്രമിക്കുമ്പോഴും ലൈഫ്‌ ഭവനപദ്ധതിയിൽ കേരളം ഇതിനകം 18,000 കോടി രൂപ വിനിയോഗിച്ചു കഴിഞ്ഞു. ഇതിൻ്റെ 91.61 ശതമാനവും വഹിച്ചത് സംസ്ഥാന സർക്കാരും തദ്ദേശ സ്വയം ഭരണസ്ഥാപനങ്ങളുമാണ്. കേന്ദ്രവിഹിതം 8.33 ശതമാനംമാത്രം. കേന്ദ്ര സർക്കാരിൻ്റെയും തദ്ദേശസ്ഥാപനങ്ങളുടെയും വിഹിതം ഉൾപ്പെടെ നാല്‌ ലക്ഷം രൂപയാണ്‌ കേരളം ഒരു ഗുണഭോക്താവിന്‌ വീട്‌ വയ്‌ക്കാൻ നൽകുന്നത്‌. രാജ്യത്തെ ഏറ്റവും ഉയർന്ന തുകയാണിത്. രണ്ടാം സ്ഥാനത്തുള്ള ആന്ധ്രപ്രദേശ്‌ 1.80 ലക്ഷം രൂപയാണ്‌ നൽകുന്നത്‌. പിഎംഎവൈ പദ്ധതിയിൽ നഗരപ്രദേശത്ത്‌ വീടൊന്നിന്‌ 72,000 രൂപയാണ്‌ കേന്ദ്രസർക്കാർ അനുവദിക്കുന്നത്‌. ഭവനരഹിതർക്കുള്ള ലൈഫ് ഭവന പദ്ധതിയിൽ പട്ടികവർഗ കുടുംബങ്ങൾക്ക് ലഭിക്കുന്ന സർക്കാർ സഹായവും ഈയിടെ കേരളം വർധിപ്പിച്ചിരുന്നു. ഇതുവരെ പട്ടിക വർഗ സങ്കേതങ്ങളിൽ വീട് വയ്‌ക്കുന്നവർക്ക്…

ആലപ്പുഴയിലെ തകഴിയിൽ കർഷകൻ ആത്മഹത്യ ചെയ്ത സംഭവം ഏറ്റവും വേദനാജനകമാണ്. അദ്ദേഹംതന്നെ പറഞ്ഞതുപ്രകാരം തുടർകൃഷിക്ക്‌ ബാങ്കുകൾ വായ്പ നിഷേധിച്ചത് മൂലുണ്ടായ പ്രയാസമാണ് ആത്മഹത്യക്കു കാരണം. രാജ്യത്താകമാനം കർഷകർ തീരാദുരിതത്തിലാണ്. കേന്ദ്രസർക്കാർ കൈക്കൊണ്ടുവരുന്ന ഉദാരവൽക്കരണനയങ്ങൾ കുത്തകകൾക്കും ഇടനിലക്കാർക്കും ഗുണം ചെയ്യുകയും കർഷകരെ ദ്രോഹിക്കുകയും ചെയ്യുന്നതാണ്. ഇതിൽനിന്ന് വ്യത്യസ്തമായി കർഷകർ ഉൾപ്പെടെ എല്ലാ ജനവിഭാഗങ്ങളെയും ചേർത്തുപിടിക്കുന്ന ജനപക്ഷസർക്കാരാണ് കേരളത്തിലേത്. അതുകൊണ്ടുതന്നെ കേരളത്തിലുണ്ടായ ഈ സംഭവം പ്രത്യേക ശ്രദ്ധ അർഹിക്കുന്നു എന്നതിൽ സംശയമില്ല. മരിച്ച കർഷകൻ്റെ പേരിൽ പ്രചരിക്കുന്ന ആത്മഹത്യാക്കുറിപ്പ് പ്രകാരം അദ്ദേഹം 2011ൽ സ്റ്റേറ്റ് ബാങ്ക് ഓഫ് ഇന്ത്യയിൽനിന്നെടുത്ത കാർഷികവായ്പ 2020ൽ പലിശയും പിഴപ്പലിശയും ഒഴിവാക്കി ഒറ്റത്തവണ തീർപ്പാക്കിയതുകൊണ്ട് അയാളുടെ സിബിൽസ്കോറിനെ ബാധിക്കുകയും അതുകൊണ്ട് പിന്നീട് ബാങ്കുകൾ ഒന്നുംതന്നെ വായ്പ നൽകാതിരിക്കുകയും ചെയ്യുന്നു എന്നുപറയുന്നു. ഇതുമൂലമുണ്ടായ പ്രയാസമാണ് ഈ കർഷകൻ്റെ ആത്മഹത്യയിലേക്ക്‌ നയിച്ചതെന്ന് അദ്ദേഹത്തിൻ്റെയും ഭാര്യയുടെയും സത്യസന്ധമായ വെളിപ്പെടുത്തലുകളിൽനിന്ന് വ്യക്തവുമാണ്. എന്നാൽ, എല്ലാക്കാലത്തും കർഷകവഞ്ചനയുടെ നിലപാട് സ്വീകരിച്ച കേരളത്തിലെ പ്രതിപക്ഷം സത്യം മൂടിവച്ച് ഹീനമായ…

തകഴി കുന്നുമ്മ കാട്ടിപ്പറമ്പിൽ കെ ജി പ്രസാദ്‌ ജീവനൊടുക്കിയത് സർക്കാർ പാഡി റെസീപ്റ്റ്‌ ഷീറ്റ്‌ (പിആർഎസ്‌) കുടിശ്ശിക വരുത്തിയതാണെന്ന മാധ്യമവാർത്തകൾ നിഷേധിച്ച്‌ ഭാര്യ ഓമന. പിആർഎസ്‌ വായ്‌പയ്‌ക്ക്‌ ഇതുമായി ബന്ധമില്ലെന്ന് അവർ പറഞ്ഞു. 2011ൽ എസ്‌ബിഐയിൽനിന്ന്‌ 25,000 രൂപ കൃഷിയാവശ്യത്തിന്‌ വായ്‌പയെടുത്തിരുന്നു. തിരിച്ചടവ്‌ പലതവണ മുടങ്ങി. 2020ൽ ഒറ്റത്തവണ തീർപ്പാക്കൽ പദ്ധതിയനുസരിച്ച് ബാധ്യതയിൽനിന്ന്‌ ഒഴിവായി. പിന്നീട്‌ വായ്‌പയ്‌ക്ക്‌ ശ്രമിച്ചപ്പോഴാണ്‌ സിബിൽ സ്‌കോർ കുറവാണെന്നും ബാങ്ക്‌ വായ്‌പ കിട്ടില്ലെന്നും അറിഞ്ഞത്‌. സ്ഥലം പണയം വച്ചും കുറച്ച്‌ സ്ഥലം വിറ്റും പ്രശ്‌നം പരിഹരിക്കാൻ നോക്കിയെങ്കിലും അതിനും കഴിഞ്ഞില്ല. പിന്നീട്‌ പലിശയ്ക്ക്‌ പണമെടുത്താണ്‌ കൃഷി ചെയ്‌തത്‌. ഇക്കുറി 3.5 ഏക്കറിലാണ്‌ പുഞ്ചകൃഷിയിറക്കിയത്‌. വിതച്ചിട്ട്‌ ഏഴ്‌ ദിവസമായി. കീടനാശിനിയും വളവും നൽകേണ്ട സമയമാണ്‌. അതിന്‌ പണത്തിനായി ബാങ്കുകളിലും കൈവായ്‌പയ്‌ക്കും ശ്രമിച്ചിട്ട്‌ കിട്ടിയില്ല. അതിൽ പ്രസാദിന് മനപ്രയാസമുണ്ടായിരുന്നതായും ഭാര്യ വ്യക്തമാക്കുന്നു. 50,000 രൂപ വായ്‌പയ്‌ക്കാണ്‌ ശ്രമിച്ചത്‌. വർഷങ്ങളായി കൃഷിചെയ്യുന്നു. പിആർഎസിന്റെ പണവും ബാങ്കിലാണ്‌ വരുന്നത്‌. പിആർഎസിൻ്റെ തുക രണ്ട്‌…

കേരളത്തിന് അർഹമായ നികുതി വിഹിതം അനുവദിക്കാത്ത കേന്ദ്ര സർക്കാരിൻ്റെ ദ്രോഹ നിലപാടിനെതിരെ മുഖ്യമന്ത്രിയും മന്ത്രിമാരും ഡൽഹിയിൽ നടത്താൻ പോകുന്ന സമരവുമായി സഹകരിക്കില്ലെന്ന് പ്രതിപക്ഷ നേതാവ് വി ഡി സതീശൻ. നികുതി വിഹിതം കിട്ടുന്നില്ലെന്നത് വസ്തുതയാണെന്നും ഇത് ദേശീയ പ്രശ്നമാണെന്നും സതീശൻ പറഞ്ഞു.കോൺഗ്രസ് എം പിമാർ പാർലമെൻ്റിൽ ഉന്നയിക്കാറുണ്ടെന്നും സതീശൻ അവകാശപ്പെട്ടു. അതേസമയം ജനവിരുദ്ധമായ നയങ്ങളോടുള്ള പ്രതിഷേധമായും സംസ്ഥാനത്തിൻ്റെ ന്യായമായ ആവശ്യങ്ങൾ ഉന്നയിച്ചും മുഖ്യമന്ത്രിയടക്കമുള്ള എല്ലാ മന്ത്രിമാരും മുഴുവൻ എംഎൽഎമാരും ഇടത് എംപിമാരും ഡൽഹിയിൽ സമരം നടത്താൻ തീരുമാനിച്ചതായി എൽഡിഎഫ് കൺവീനർ ഇ പി ജയരാജൻ പറഞ്ഞു. ജനുവരിയിൽ പ്രതിഷേധം സംഘടിപ്പിക്കും നടത്തും. സാമ്പത്തിക പ്രശ്നങ്ങളും അവ​ഗണനയുമെല്ലാം സമരത്തിൽ ഉന്നയിക്കപ്പെടുമെന്നും ബിജെപി ഇതര സംസ്ഥാനങ്ങളിലെ മുഖ്യമന്ത്രിമാരുമായും ഇതിനെക്കുറിച്ച് ചർച്ച നടത്തുമെന്നും ഇ പി ജയരാജൻ കൂട്ടിച്ചേർത്തു.

യൂത്ത്‌കോൺഗ്രസ്‌ സംഘടനാ തെരഞ്ഞെടുപ്പ്‌ നടത്തിപ്പ് ഏജൻസിക്ക് പുറംകരാർ നൽകി. ഏജൻസിക്ക്‌ പണം നൽകി തെരഞ്ഞെടുപ്പ്‌ അട്ടിമറിക്കാനുള്ള ശ്രമം നടക്കുന്നതായും ആരോപണമുയർന്നു. വിജയം പ്രതീക്ഷിക്കുന്ന പ്രമുഖ സ്ഥാനാർഥി ‘പേമെന്റ്‌ പ്രസിഡന്റ്‌’ ആകാൻ നീക്കം നടത്തുന്നതായി തൊട്ടടുത്ത എതിരാളിയുടെ ക്യാമ്പ്‌ ആരോപണമുയർത്തി. സൂക്ഷ്‌മ പരിശോധനയിൽ പിടിച്ചുവച്ച വോട്ടുകൾ ഏജൻസിക്ക്‌ പണം നൽകി അനുകൂലമാക്കാനുള്ള ശ്രമമാണ്‌ ഡൽഹി കേന്ദ്രീകരിച്ച്‌ നടക്കുന്നത്‌. ഓൺലൈനായി 7.16 ലക്ഷം മെമ്പർഷിപ്പാണ്‌ യൂത്ത്‌കോൺഗ്രസ്‌ തെരഞ്ഞെടുപ്പിൻ്റെ ഭാഗമായി ചേർത്തത്‌. തള്ളിക്കളഞ്ഞതിന്‌ പുറമെ 1.8 ലക്ഷം മെമ്പർഷിപ്പ്‌ പിടിച്ചുവച്ചിട്ടുണ്ട്‌. സാങ്കേതിക കാരണങ്ങളാൽ അസാധുവാക്കിയ മെമ്പർഷിപ്പ്‌ അനുകൂലമാക്കാൻ വി ഡി സതീശൻ വിഭാഗം സ്ഥാനാർഥി രാഹുൽമാങ്കൂട്ടത്തിൽ പണം നൽകിയെന്നാണ്‌ ഐ ഗ്രൂപ്പ്‌ സ്ഥാനാർഥി അബിൻ വർക്കി അനുകൂലികളുടെ ആരോപണം. അസാധു വോട്ടുകളെ സാധുവാക്കി പേമെന്റ്‌ ജയം നേടാനാണ്‌ രാഹുലിൻ്റെ ശ്രമമെന്നും എതിരാളികൾ ആരോപിക്കുന്നു. മുൻ തെരഞ്ഞെടുപ്പ്‌ കമീഷണറായിരുന്ന ജെ എം ലിങ്‌ദോയുടെ നേതൃത്വത്തിലുള്ള ഏജൻസിയാണ്‌ നടപടികൾ നിയന്ത്രിക്കുന്നത്‌. കരാർ തുക വെളിപ്പെടുത്തിയിട്ടില്ല. 7.16 ലക്ഷം മെമ്പർഷിപ്പിനായി…

സപ്ലൈകോയെ പ്രതിസന്ധിയിലാക്കിയത്‌ യുഡിഎഫ്‌ സർക്കാർ. 2011 മുതൽ 2016 വരെയുള്ള യുഡിഎഫ് ഭരണകാലത്ത് സപ്ലൈകോയ്‌ക്ക്‌ സർക്കാർ നൽകാനുണ്ടായിരുന്നത്‌ 475 കോടി രൂപയാണ്. 2011 മുതൽ 2016 വരെയും 2016 മുതൽ 2023 വരെയുള്ള ബാധ്യതയുടെ കണക്ക്‌ എടുത്തപ്പോഴാണ്‌ യുഡിഎഫ് സർക്കാരിൻ്റെ കള്ളക്കളി പുറത്തായത്‌. വിപണി ഇടപെടലിനായി ചെലവഴിച്ച വകയിലാണ്‌ ഇത്രയും നൽകേണ്ടിയിരുന്നത്‌. തുക ലഭിക്കാത്ത പശ്‌ചാത്തലത്തിൽ അന്ന്‌ മൊത്ത വ്യാപാരികൾ സാധനങ്ങൾ നൽകാൻ മടിച്ചു. 922 മാവേലി സ്‌റ്റോറുകളാണ്‌ അന്ന്‌ സംസ്ഥാനത്ത്‌ ഉണ്ടായിരുന്നത്‌. സപ്ലൈകോ സൂപ്പർമാർക്കറ്റുകൾ നാമമാത്രമായിരുന്നു. 2016ൽ എൽഡിഎഫ്‌ സർക്കാർ അധികാരത്തിലെത്തിയതോടെയാണ്‌ സപ്ലൈകോയുടെ മുഖം മാറിയത്‌. മാവേലി സ്‌റ്റോറുകളിൽ കൂടുതൽ സാധനങ്ങൾ എത്തിച്ചു. കൂടുതൽ സൂപ്പർമാർക്കറ്റുകൾ ആരംഭിച്ചു. 13 ഇനം നിത്യോപയോഗ സാധനങ്ങൾ 2016 ലെ അതേ നിരക്കിൽ ഏഴരവർഷമായി നൽകി വരികയാണ്‌. ‌2018ലെ വൻപ്രളയം, 2019 ലെ വെള്ളപ്പൊക്കം, പിന്നാലെ എത്തിയ കോവിഡ്‌ ദുരന്തം എന്നിവ പ്രതിസന്ധി സൃഷ്ടിച്ചപ്പോഴും വിലയിൽ മാറ്റമുണ്ടായില്ല. പൊതുവിപണിയിയിൽ മുളകിനും പയറുവർഗങ്ങൾക്കും വില കയറിയപ്പോഴും…

സമാനതകളില്ലാത്ത വികസന ക്ഷേമ പ്രവർത്തനങ്ങളുമായാണ്‌ രണ്ടാം പിണറായി സർക്കാർ മുന്നോട്ടുപോകുന്നത്‌. ഓണക്കാലത്തുമാത്രം 18,000 കോടി രൂപയാണ്‌ ഖജനാവിൽനിന്ന്‌ ജനങ്ങളിലേക്ക്‌ എത്തിയത്‌. തുടർന്നും അവശ്യച്ചെലവുകളെല്ലാം നിറവേറ്റുന്നു. ട്രഷറി പ്രവർത്തനം സ്‌തംഭിച്ചിട്ടില്ല. ബില്ലുകൾ മുൻഗണനാ ക്രമത്തിൽ മാറിനൽകുന്നു. രണ്ടുമാസത്തിൽ തദ്ദേശസ്ഥാപനങ്ങൾക്ക്‌ 2223 കോടി രൂപ നൽകി. റബർ കർഷക സബ്‌സിഡി, നാളികേര സംഭരണം ഉൾപ്പെടെയുള്ള കാര്യങ്ങൾക്കെല്ലാം സാമ്പത്തിക സഹായം ഉറപ്പാക്കുന്നു. നെല്ല്‌ സംഭരണത്തിനായി 700 കോടിയിൽപ്പരം രൂപയാണ്‌ സപ്ലൈകോയ്‌ക്ക്‌ ലഭ്യമാക്കിയത്‌. കൃത്യമായ സംഭരണത്തിന്‌ ക്രമീകരണങ്ങളുമായി. കേന്ദ്രാവിഷ്‌കൃത പദ്ധതികളിലടക്കം അനാവശ്യമായി കേന്ദ്രം പിടിച്ചുവയ്‌ക്കുന്ന തുകകളും സംസ്ഥാനം മുൻകൂറായി നൽകുകയാണ്‌. ദേശീയ ആരോഗ്യമിഷന്‌ അമ്പതു കോടി നൽകി. കാരുണ്യ ബെനവലന്റ്‌ സ്‌കീമിന്‌ 60 കോടി അനുവദിച്ചു. ചെറുതും വലുതുമായ പല പദ്ധതികൾക്കും കഴിഞ്ഞ മാസങ്ങളിൽ ധനാനുമതി നൽകി. കെഎസ്‌ആർടിസിക്ക്‌ ഈ ആഴ്‌ചയിൽ അനുവദിച്ചത്‌ 100 കോടിയാണ്‌. രണ്ടരവർഷത്തിൽ ആകെ സഹായം 4833 കോടിയായി. ക്ഷേമ പെൻഷനായി ഈ സർക്കാർ ഇതുവരെ വകയിരുത്തിയത്‌ 23,350 കോടി രൂപയാണ്‌. ഒരു…

കഴിഞ്ഞ ഏതാനും ദിവസങ്ങളായി മലയാള വർത്തമാന പത്രങ്ങളുടെ പ്രധാന വാർത്ത സംസ്ഥാനത്തിൻ്റെ സാമ്പത്തിക പ്രതിസന്ധിയെ കുറിച്ചാണല്ലോ. സംസ്ഥാനം കടുത്ത സാമ്പത്തിക ഞെരുക്കത്തിലാണെന്ന്‌ പറയുന്ന ഈ വർത്തമാന പത്രങ്ങളും ദൃശ്യമാധ്യമങ്ങളും ഒരു കാര്യം മാത്രം മിണ്ടാതെ പോകുന്നു. എന്തുകൊണ്ടാണ്‌ സംസ്ഥാന സർക്കാർ ഇങ്ങനെ സാമ്പത്തിക ഞെരുക്കത്തിലായി എന്ന കാര്യമാണ്‌ മിണ്ടാതെ പോകുന്നത്‌. നോക്കൂ കാവിഭൂമി മുതലാളിമാർ അതിൻ്റെ കാവിക്കളസം കൂടുതൽ കടുത്ത കാവിയാക്കാൻ കൊണ്ടുവന്ന പുതിയ അവതാരത്തിന്റെ ആഗമനോദ്ദേശം തുറന്നുകാട്ടുന്നതാണ്‌ വെള്ളിയാഴ്ച ആ പത്രത്തിൻ്റെ ഒന്നാം പേജ്‌ ലീഡ്‌ വാർത്ത. നുള്ളിപ്പെറുക്കുന്നു എന്ന തലക്കെട്ടൊടെ കൊടുത്ത ആ വാർത്തയ്‌ക്കൊപ്പം മുഖ്യമന്ത്രി പിണറായി വിജയൻ്റെയും ധനമന്ത്രി കെ എൻ ബാലഗോപാലിൻ്റെയും കാരിക്കേച്ചർ അത്യന്തം വികൃതമായി വരച്ച്‌വെച്ചിരിക്കുന്നു. കഴുത്തറ്റം കുടിശ്ശിക. 50,000 കോടി രൂപയിലേറെ എന്നാണ്‌ വാർത്തയുടെ ഒരു ഹൈലൈറ്റ്‌. അടുത്ത ഹൈലൈറ്റ്‌ അതിലും വിചിത്രം. കേന്ദ്രം അനുവദിച്ച കടമെടുപ്പ്‌ പരിധിയിൽ 21,800 കോടി കടമെടുത്തു എന്നും. ഇത്രയൊക്കെ ഹൈലൈറ്റസ്‌ കൊടുത്ത്‌ ആ വാർത്ത അവതരിപ്പിച്ചിട്ടും…