ദുബായ്: ഏഷ്യ കപ്പ് സൂപ്പർ ഫോറിൽ ഇന്ത്യക്ക് ഇന്ന് രണ്ടാം മത്സരം. ശ്രീലങ്കയാണ് ഇന്ത്യയുടെ എതിരാളികൾ. സൂപ്പർ ഫോറിലെ ആദ്യ മത്സരത്തിൽ പാകിസ്താനെതിരെ പരാജയപ്പെട്ട ഇന്ത്യക്ക് ഇന്ന് ജയം അനിവാര്യമാണ്. ഇന്ത്യൻ സമയം രാത്രി 7.30ന് ദുബായിലാണ് മത്സരം. ടൂർണമെന്റിൽ ഫൈനൽ സാധ്യത സജീവമാക്കാൻ തുടർ ജയങ്ങൾ കൂടിയേ തീരൂ. ഗ്രൂപ്പ് ചാമ്പ്യന്മാരായിട്ടായിരുന്നു ഇന്ത്യയുടെ സൂപ്പര്‍ ഫോര്‍ പ്രവേശനം.
ഗ്രൂപ്പ് തലത്തിലെ ആദ്യ മത്സരത്തില്‍ പാകിസ്താനെ അഞ്ച് വിക്കറ്റിനും, ഹോങ്കോങിനെ 40 റണ്‍സിന് ഇന്ത്യ പരാജയപ്പെടുത്തിയിരുന്നു. ഒമ്പതിന് അഫ്ഗാനിസ്ഥാനെതിരെയാണ് അടുത്ത മത്സരം.
