ഗവര്‍ണര്‍ നിക്കറിട്ട സംഘിയെപ്പോലെ; ആഞ്ഞടിച്ച് എം വി ജയരാജന്‍

കണ്ണൂര്‍ സര്‍വകലാശാല അസോസിയേറ്റ് പ്രൊഫസര്‍ നിയമന വിഷയത്തില്‍ ഗവര്‍ണര്‍ക്കെതിരെ ആഞ്ഞടിച്ച് സിപിഎം കണ്ണൂര്‍ ജില്ലാ സെക്രട്ടറി എം വി ജയരാജന്‍. ഗവര്‍ണര്‍ നിക്കറിട്ട സംഘിയെപ്പോലെയാണ് പെരുമാറുന്നതെന്ന് എം വി ജയരാജന്‍ കുറ്റപ്പെടുത്തി. ഗവര്‍ണര്‍ സ്വന്തം പ്രവൃത്തിയിലൂടെ ആ പദവിയുടെ വില ഇല്ലാതാക്കുകയാണ് . പ്രാദേശിക സംഘപരിവാര്‍ നേതാക്കളെക്കാള്‍ തറവേലയാണ് ഗവര്‍ണര്‍ കാണിക്കുന്നത്. ഇത് കണ്ണൂര്‍ സര്‍വകലാശാല വിഷയത്തില്‍ മാത്രമല്ല. പൊതുവില്‍ തന്നെ ഗവര്‍ണറുടെ സമീപനം ഇതാണെന്നും ജയരാജന്‍ പറഞ്ഞു.