തിരുവനന്തപുരം: ‘ദി കേരള സ്റ്റോറി’ ക്കെതിരെ കൂടുതൽ പ്രമുഖർ രംഗത്ത്. ഓസ്കാർ ജേതാവായ എ.ആർ റഹ്മാന് പിന്നാലെ റസൂൽ പൂക്കുട്ടിയും ഇപ്പോൾ രംഗത്തെത്തിയിരിക്കുകയാണ്. ഒരേ മതിൽ പങ്കിടുന്ന പാളയം മസ്ജിദിനേയും ഗണപതി കോവിലിനേയും കുറിച്ചാണ് താരം ട്വീറ്റ് ചെയ്തിരിക്കുന്നത്. ഇതാണ് എൻ്റെ കേരള സ്റ്റോറി എന്ന ഹാഷ്ടാഗിനോടൊപ്പമാണ് ട്വീറ്റ്.
‘ഇതാ മറ്റൊരു കേരള സ്റ്റോറി’ എന്ന ശീർഷകത്തിൽ സാമ്പത്തികപരാധീനതകളനുഭവിക്കുന്ന ഹിന്ദുപെൺകുട്ടിയുടെ വിവാഹം ആലപ്പുഴയിലെ പള്ളിക്കമ്മിറ്റിയുടെ നേതൃത്വത്തിൽ ഹിന്ദു ആചാരപ്രകാരം നടത്തിയതിൻ്റെ വീഡിയോ ഒരാൾ സാമൂഹികമാധ്യമത്തിലിട്ടിരുന്നു. കുറച്ചുനാളുകൾക്ക് മുൻപ് നടന്ന ഈ വിവാഹത്തിൻ്റെ വീഡിയോയാണ് റഹ്‌മാൻ പങ്കുവെച്ചത്.
