ആഗോള അൽപ്പൻ: അർധരാത്രി കുട പിടിക്കും വാക്‌സിൻ സർട്ടിഫിക്കറ്റിൽ പടവും വയ്‌ക്കും

മഴ പെയ്‌താൽ മദ്ദളം കൊട്ടിയിട്ട്‌ കാര്യമില്ല. കുട പിടിക്കുക തന്നെ വേണം. എന്നാലേ മഴ നനയാതിരിക്കൂ. നമ്മുടെ പ്രധാനമന്ത്രി നരേന്ദ്ര മോഡി ചെയ്‌തതും അതുതന്നെയാണ്‌. പാർലമെന്റിന്റെ മഴക്കാല സമ്മേളനം തുടങ്ങും മുമ്പ്‌ മഴ പെയ്‌തു. എന്നാ പിന്നെ ഒന്നു പത്രക്കാരെ കണ്ടു കളയാം. മഴയത്ത്‌ കുടചൂടി പത്രക്കാരെ കണ്ടു. അൽപ്പന്‌ അധികാരം കിട്ടിയാൽ അർധരാത്രിയും കുടപിടിക്കുമെന്ന്‌ പഴഞ്ചൊല്ല്‌ അന്വർഥമാകും വിധമുള്ള ഒരു ചീപ്പ്‌ ഷോ.