മാറേണ്ടത് കേന്ദ്രത്തിന്റെ സിസ്റ്റമാണ് സർ

വാക്സിനേഷൻ പൂർത്തിയാക്കിയാലേ മഹാരോഗത്തെ പടിക്കു പുറത്താക്കി എന്ന്‌ നമുക്ക് ആശ്വസിക്കാനാകൂ. ഇതിന്‌ സമയബന്ധിതമായ ഒരു പദ്ധതിയോ ആസൂത്രണമോ കേന്ദ്ര സർക്കാരിനില്ല. കോവിഡ്‌ പ്രതിരോധ കുത്തിവയ്‌പ്‌ ആരംഭിച്ചിട്ട്‌ 6 മാസം തികഞ്ഞെങ്കിലും ഇതുവരെ രണ്ട് ഡോസ് ലഭിച്ചത് വെറും 5 ശതമാനം ആളുകൾക്ക് മാത്രമാണ്. 22 ശതമാനം ആളുകൾക്ക് മാത്രമാണ് ഒരു ഡോസ് വാക്സിനെങ്കിലും കിട്ടിയത്. തുടക്കംമുതൽ കേന്ദ്രം തുടരുന്ന അലംഭാവത്തിന്റെ ഇരകളായി മാറുകയാണ്‌ ഇന്ത്യൻ ജനത.