കാബൂൾ: അഫ്ഗാൻ തലസ്ഥാനമായ കാബൂളിലെ ഷിയകേന്ദ്രത്തിലെ വിദ്യാഭ്യാസ സ്ഥാപനത്തിൽ ക്ലാസ് മുറിയിലുണ്ടായ ചാവേറാക്രമണത്തിൽ വിദ്യാർഥികൾ അടക്കം 19 പേർ കൊല്ലപ്പെട്ടു. 27 പേർക്കു പരുക്കേറ്റു.
സർവകലാശാല പരീക്ഷകൾക്ക് പരിശീലനം നൽകുന്ന കാജ് ഹയർ എഡ്യൂക്കേഷണൽ സെന്ററിലാണ് സ്ഫോടനം. ക്ലാസുകൾ ആരംഭിച്ചശേഷം രാവിലെ ആറരയ്ക്കാണു സ്ഫോടനം. അഫ്ഗാനിലെ ന്യൂനപക്ഷമായ ഷിയ വിഭാഗത്തിലെ ഹസാര സമുദായത്തിനു ഭൂരിപക്ഷമുള്ള മേഖലയിലാണിത്. സ്ഫോടനത്തിൻ്റെ ഉത്തരവാദിത്വം ആരും ഏറ്റെടുത്തിട്ടില്ല.
2021 ൽ പെൺകുട്ടികളുടെ സ്കൂളിനു മുന്നിലുണ്ടായ ചാവേർ സ്ഫോടനത്തിൽ 90 ലേറെ വിദ്യാർഥികൾ കൊല്ലപ്പെട്ടു.
