ലണ്ടൻ: ലേവർ കപ്പ് പുരുഷ വിഭാഗം ടെന്നീസ് ടൂർണമെന്റിൽ ചരിത്രകിരീടം ടീം വേൾഡിന്. ലേവർ കപ്പ് പുരുഷ വിഭാഗം ടെന്നീസ് ടൂർണമെൻറിൻറെ ചരിത്രത്തിൽ ആദ്യമായാണ് ലോക ടീം കിരീടം സ്വന്തമാക്കുന്നത്. മൂന്നാം ദിനം നടന്ന മൂന്ന് മത്സരങ്ങളിലും ടീം യൂറോപ്പിനെ തോൽപിച്ചാണ് ടീം വേൾഡ് കിരീടം ഉറപ്പാക്കിയത്. ഒരു മത്സരം ബാക്കി നിൽക്കെ 13-8 എന്ന സ്കോറിനാണ് ടീം വേൾഡിന്റെ കിരീട നേട്ടം.
ഫ്രാൻസെസ് ടിയാഫോയും ഫെലിക്സ് ഓഗർ അലിയാസിമെയും സിംഗിൾസിൽ ജയം കണ്ടപ്പോൾ ഡബിൾസിൽ അലിയാസിമെ- ജാക്ക് സോക്ക് സഖ്യവും വിജയിച്ചു. ലേവർ കപ്പിൻ്റെ ചരിത്രത്തിൽ ഇതിനുമുമ്പ് നടന്ന നാലു എഡിഷനുകളിലും ടീം യൂറോപ്പായിരുന്നു ജേതാക്കൾ. രു മത്സരം ബാക്കി നിൽക്കെ 13-8 എന്ന ലീഡോടെയാണ് ലോക ടീം കിരീടത്തിൽ മുത്തമിട്ടത്.
