കോണ്‍ഗ്രസ് നേതാവ് രാഹുല്‍ ഗാന്ധി നയിക്കുന്ന ഭാരത് ജോഡോ യാത്രയെ സ്വീകരിക്കാന്‍ ട്രോള്‍ ബാനറൊരുക്കി ഡിവൈഎഫ്‌ഐ. ‘പോരാട്ടമാണ് ബദല്‍ പൊറോട്ടയല്ല’ എന്ന പേരിലാണ് ഭാരത് ജോഡോ യാത്രയെ ട്രോളി തൃശ്ശൂരില്‍ ഡിവൈഎഫ്‌ഐ ബാനര്‍ ഉയര്‍ത്തിയത്.
ഡിവൈഎഫ്‌ഐ കൊടകര ബ്ലോക്ക് കമ്മിറ്റിയാണ് ഭാരത് ജോഡോ പര്യടനം നടത്തുന്ന റോഡിന് സമീപത്തായി ബാനര്‍ കെട്ടിയത്. ഭാരത് ജോഡോ യാത്ര തൃശ്ശൂര്‍ ജില്ലയില്‍ ഇന്ന് മുതലാണ് പര്യടനം നടത്തുന്നത്. ഇതിന് മുന്നോടെയായി കഴിഞ്ഞ ദിവസമാണ് ബഹുനില കെട്ടിടത്തില്‍ ബാനറുയര്‍ന്നത്
രാഹുല്‍ ഗാന്ധിയുടെ ഭാരത് ജോഡോ യാത്രയില്‍ ഉടനീളം ശ്രദ്ധയാകര്‍ഷിച്ചത് രാഹുലിൻ്റെ ഭക്ഷണപ്രിയമായിരുന്നു, രാഹുലിന്റെ തട്ടുകട സന്ദര്‍ശനങ്ങള്‍ മാധ്യമങ്ങള്‍ വലിയ വാര്‍ത്തയായി നല്‍കുകയും ചെയ്തു. ഗൗരവമായ രാഷ്ട്രീയ സംവദിക്കേണ്ട രാഷ്ട്രീയ ജാഥയെ പൈങ്കിളിവല്‍ക്കരിക്കുന്നതിലെ പ്രതിഷേധം കൂടിയാണ് ഡിവൈഎഫ്‌ഐയുടെ ഈ ബാനര്‍
