പഞ്ചാബ് കിംഗ്സിന് ഇനി പുതിയ പരിശീലകൻ. ഇംഗ്ലണ്ടിൻ്റെ ട്രെവർ ബെയ്ലിസ് ആണ് പഞ്ചാബിൻ്റെ പുതിയ പരിശീലകൻ. അനില്‍ കുംബ്ലയുടെ പകരക്കാരനായിട്ടാണ് ട്രെവര്‍ എത്തുക. കാലാവധി കഴിഞ്ഞ കുംബ്ലയെ പഞ്ചാബ് നേരത്തെ ചുമതലയില്‍ നിന്ന് നീക്കിയിരുന്നു. സൺറൈസേഴ്സ് ഹൈദരബാദിൻ്റെ മുൻ പരിശീലകൻ കൂടിയാണ് ട്രെവർ ബെയ്ലിസ്.
2012ലും 14ലും കൊൽക്കത്ത നൈറ്റ് റൈഡേഴ്സ് കിരീടം നേടുമ്പോൾ ബെയ്ലിസ് ആയിരുന്നു പരിശീലകൻ. 2019ൽ ഇംഗ്ലണ്ട് ഐസിസി വേൾഡ് കപ്പ് നേടിയപ്പോൾ ട്രെവറായിരുന്നു പരിശീലകൻ. ഓസ്‌ട്രേലിയൻ ടി 20 ലീഗായ ബിഗ് ബാഷിൽ സിഡ്നി സിക്സേഴ്സിന് കിരീടം നേടി കൊടുത്തിട്ടുണ്ട്.
പഞ്ചാബ് കിംഗിസിൻ്റെ മുഖ്യ പരിശീലകനാകാന്‍ സാധിച്ചത് അംഗീകാരമായി ഞാന്‍ കാണുന്നു. വിജയത്തിലെത്താന്‍ പരിശ്രമിക്കുന്ന ടീമാണിത്. പോരാട്ട വീര്യമുളള മികച്ച താരങ്ങളുളള ടീമിനൊപ്പം പ്രവര്‍ത്തിക്കാന്‍ ഞാന്‍ ആഗ്രഹിക്കുന്നു,’ പഞ്ചാബ് കിംഗ്‌സിൻ്റെ ഔദ്യോഗിക വാര്‍ത്താകുറിപ്പിലൂടെ ട്രെവര്‍ പറഞ്ഞു.
