തിരിച്ചടിയുടെ രാഷ്ട്രീയം

അടിച്ചമർത്തൽ ശ്രമങ്ങളെ അതിജീവിച്ചുകൊണ്ടാണ് ഇടതുരാഷ്ട്രീയം വളർന്നതും ശക്തിപ്പെട്ടതും. തെരുവുകളും സമൂഹവും ഒരുകാലത്ത് അടക്കിവാണ, സമ്പത്തും അധികാരവും സ്വാധീനവുമുള്ള വലതുപക്ഷ ശക്തികളുടെ ഔദാര്യബുദ്ധിയിലല്ല ഇടതുരാഷ്ട്രീയം വളർന്നത്. അവരെ കായികമായി പ്രതിരോധിച്ചുകൊണ്ടു തന്നെയാണ്. ആ പ്രതിരോധത്തിന് ഒരുകാലത്തും മാധ്യമപിന്തുണ കിട്ടിയിട്ടുമില്ല.