ബലാത്സംഗ കേസില്‍ കോണ്‍ഗ്രസ് എല്‍ദോസ് കുന്നപ്പിള്ളിൽ എംഎൽഎയുടെ ചോദ്യം ചെയ്യൽ ഇന്നും തുടരും. എൽദോസിൻ്റെ ഫോണുകൾ ഇന്ന് ക്രൈംബ്രാഞ്ചിന് കൈമാറും. ഫോണുകൾ കൈമാറാൻ നിർദേശിച്ച് എംൽഎയ്ക് അന്വേഷണ സംഘം നോട്ടീസ് നൽകിയിരുന്നു.
ആദ്യ ദിനം നടത്തിയ ചോദ്യം ചെയ്യയില്‍ എല്‍ദോസ് പൂര്‍ണമായി സഹകരിച്ചിരുന്നില്ല.
ക്രൈംബ്രാഞ്ച് അസിസ്റ്റന്റ് കമ്മീഷണറുടെ നേതൃത്വത്തില്‍ നടന്ന ചോദ്യം ചെയ്യലില്‍ പല ചോദ്യങ്ങളുടെ മുന്നിലും എല്‍ദോസ് ഒഴിഞ്ഞുമാറി. പീഡനത്തിന് ഇരയായ യുവതിയുമായുള്ള ബന്ധത്തെ കുറിച്ചും, ഇവര്‍ക്കെപ്പമുള്ള യാത്രകളെ കുറിച്ചും വ്യക്തമായ മറുപടി നല്‍കാന്‍ എല്‍ദോസ് കുന്നപ്പിള്ളി തയ്യാറായില്ല. എംഎല്‍എയുടെ പിഎ ഡാമി പോളിനെയും ഇന്ന് ചോദ്യം ചെയ്യാനായി വിളിപ്പിച്ചിട്ടുണ്ട്.
