കേരളത്തിലെ ആരാധകരുടെ സ്നേഹത്തിന് നന്ദി പറഞ്ഞ് ബ്രസീൽ സൂപ്പർ താരം നെയ്മർ. നെയ്‌മറുടെ കൂറ്റൻ കട്ടൗട്ട് നോക്കിനിൽക്കുന്ന ആരാധകൻ്റെയും കുട്ടിയുടേയും ചിത്രം സഹിതമാണ് നെയ്മറിൻ്റെ ഇൻസ്റ്റഗ്രാം പോസ്റ്റ്.
‘ലോകത്തിലെ എല്ലായിടങ്ങളിൽ നിന്നും സ്‌നേഹം വരുന്നു! വളരെ നന്ദി, കേരളം, ഇന്ത്യ’ നെയ്മർ ഇൻസ്റ്റാഗ്രാമിൽ കുറിച്ചു. നെയ്മർ ജൂനിയറിൻ്റെ ഒഫീഷ്യൽ വെബ്സൈറ്റിൻ്റെ പേരിലുള്ള ഇൻസ്റ്റഗ്രാം അക്കൗണ്ടിലാണ് കേരളത്തിന് നന്ദി പറഞ്ഞുള്ള പോസ്റ്റ് പ്രത്യക്ഷപ്പെട്ടിരിക്കുന്നത്. മലപ്പുറം ചങ്ങരംകുളത്ത് ഒതല്ലൂരിൽ ബ്രസീൽ ആരാധകരായ നാട്ടുകാർ സ്ഥാപിച്ച നെയ്മറിൻ്റെ കൂറ്റൻ ഫ്ലക്സാണ് ചിത്രത്തിലുള്ളത്.
