ദോഹ: ഖത്തറിലെ ഫൈനലിന് ശേഷം ലോകകപ്പ് മത്സരങ്ങളിൽ നിന്നും വിരമിക്കുമെന്ന് അർജന്റീന സൂപ്പർ താരം ലയണൽ മെസ്സി. ‘അടുത്ത ലോകകപ്പിന് നാല് വർഷം കൂടിയുണ്ട്. അത് സാധ്യമാകുമെന്ന് തോന്നുന്നില്ല. അർജന്റീന ലോകകപ്പ് ഫൈനലിൽ എത്തിയതിൽ ഏറെ സന്തോഷമുണ്ട്’- മെസി പറഞ്ഞു.
ലോകകപ്പിലെ എൻ്റെ യാത്ര ഒരു ഫൈനലിൽ അവസാനിപ്പിക്കാനായതിൽ, അവസാനമത്സരമായി ഒരു ഫൈനൽ കളിക്കാൻ സാധിക്കുന്നതിൽ ഞാൻ വളരെ സന്തുഷ്ടനാണ്. അത് ശരിക്കും സന്തോഷകരമാണ്. അർജന്റീനയിൽ എത്രമാത്രം ആസ്വദിച്ചുവെന്ന് കാണുമ്പോൾ, ഈ ലോകകപ്പിലെ എൻ്റെ ഓരോ നിമിഷവും വികാരഭരിതമാണ്. അടുത്തതിനായി ഇനി മുന്നിൽ ഒരുപാട് വർഷങ്ങളുണ്ട്. എന്നാൽ എനിക്കത് ചെയ്യാനാകുമെന്ന് തോന്നുന്നില്ല. ഈ രീതിയിൽ അവസാനിപ്പിക്കുന്നതാണ് നല്ലത്, അദ്ദേഹം പറഞ്ഞു.
