എകെജി സെൻ്റര്‍ ആക്രമണക്കേസില്‍ അന്വേഷണം കൂടുതല്‍ കോണ്‍ഗ്രസ് – യൂത്ത് കോണ്‍ഗ്രസ് നേതാക്കളിലേക്ക്. യൂത്ത് കോണ്‍ഗ്രസ് ജില്ലാ സെക്രട്ടറി സുഹൈല്‍ ഷാജഹാനെ ക്രൈംബ്രാഞ്ച് ചോദ്യം ചെയ്യും. കേസില്‍ അറസ്റ്റിലായ ജിതിനില്‍ നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് പൊലീസ് സുഹൈലിനെ ചോദ്യം ചെയ്യാനൊരുങ്ങുന്നത്.
മുഖ്യമന്ത്രിക്കെതിരായ വിമാനത്തിലെ ആക്രമണവുമായി ബന്ധപ്പെട്ട കേസിലും ഇയാളെ പൊലീസ് ചോദ്യം ചെയ്യാന്‍ വിളിപ്പിച്ചിരുന്നു. എന്നാല്‍ ചോദ്യം ചെയ്യലിന് ഇയാള്‍ ഹാജരായിരുന്നില്ല.
കേസുമായി ബന്ധപ്പെട്ട് യൂത്ത് കോണ്‍ഗ്രസ് വനിതാ നേതാവിനെയും ചോദ്യം ചെയ്യാന്‍ ക്രൈംബ്രാഞ്ച് വിളിപ്പിച്ചിരുന്നു. എന്നാല്‍ ചോദ്യം ചെയ്യാന്‍ വിളിപ്പിച്ചതിന് പിന്നാലെ ഇവര്‍ ഒളിവില്‍ പോയിരിക്കുകയാണ്.
എകെജി സെൻ്റര്‍ ആക്രമണം; ജിതിൻ്റെ കൂട്ടുകാരിയായ വനിതാ നേതാവ് ഒളിവില്‍
