ഐസിസി ഏകദിന ടീം റാങ്കിംഗിൽ മൂന്നാം സ്ഥാനം നിലനിർത്തി ഇന്ത്യ

ദുബായ്: സിംബാബ്‌വെയെ ക്ലീൻ സ്വീപ്പ് ചെയ്‌തതോടെ ഐസിസി ഏകദിന ടീം റാങ്കിംഗിൽ മൂന്നാം സ്ഥാനം നിലനിർത്തി ഇന്ത്യ. ഹരാരെയിൽ പരമ്പര 3-0ന് സ്വന്തമാക്കിയതോടെ ഇന്ത്യക്ക് ഇപ്പോൾ 111 റേറ്റിംഗ് പോയിന്റാണുള്ളത്. അടുത്തിടെ നെതർലൻഡ്‌സിനെതിരായ പരമ്പര തൂത്തുവാരിയതിന് പാക്കിസ്ഥാനും റാങ്കിംഗിൽ നേട്ടമുണ്ടായി.107 റേറ്റിംഗ് പോയിന്റിലേക്കും പട്ടികയിൽ നാലാമതിലേക്കും നീങ്ങി. വെസ്റ്റ് ഇൻഡീസിനെതിരായ ബ്ലാക്ക് ക്യാപ്‌സിൻ്റെ 2-1 പരമ്പര വിജയത്തെ തുടർന്ന് 124 റേറ്റിംഗ് പോയിന്റുമായി ന്യൂസിലൻഡ് പട്ടികയിൽ ഒന്നാം സ്ഥാനത്ത് തുടരുന്നു. 119 റേറ്റിംഗ് പോയിന്റുമായി ഇംഗ്ലണ്ട് രണ്ടാം സ്ഥാനത്ത് തുടരുന്നു. ഒക്‌ടോബർ 6 മുതൽ തുടങ്ങുന്ന ദക്ഷിണാഫ്രിക്കയ്ക്ക പരമ്പര ഇന്ത്യക്ക് ഐസിസി റാങ്കിംഗിൽ കൂടുതൽ നേട്ടങ്ങൾ ഉണ്ടാക്കാനുള്ള അവസരംകൂടിയാണ്. ഈ വർഷം അവസാനം ഓസ്‌ട്രേലിയയിൽ നടക്കുന്ന ടി20 ലോകകപ്പിന് ശേഷം മാത്രമേ പാകിസ്ഥാന് ഏകദിന മത്സരങ്ങളുള്ളൂ.