മട്ടന്നൂര്‍ നഗരസഭാ തെരഞ്ഞെടുപ്പ് ഫലം ഇന്നറിയാം.വോട്ടെണ്ണല്‍ രാവിലെ പത്തിന് മട്ടന്നൂര്‍ എച്ച് എച്ച് എസ് എസില്‍ ആരംഭിക്കും. പൊതുതിരഞ്ഞെടുപ്പില്‍ 84.61 ശതമാനമായിരുന്നു പോളിംഗ്. ആകെയുള്ള 38811 വോട്ടര്‍മാരില്‍ 32837 പേരാണ് വോട്ട് ചെയ്തു. 35 വാര്‍ഡുകളിലുമായി 111 സ്ഥാനാര്‍ഥികളാണ് ജനവിധി തേടിയത്. ഇത്തവണ പോസ്റ്റല്‍ ബാലറ്റിന് ആരും അപേക്ഷിച്ചിട്ടില്ല. നഗരസഭയിലുള്ളവര്‍ക്ക് തെരഞ്ഞെടുപ്പ് ഡ്യൂട്ടി ഉണ്ടായിരുന്നില്ല. കോവിഡ് സ്പെഷല്‍ പോസ്റ്റല്‍ ബാലറ്റിനും ആരും അപേക്ഷിച്ചില്ല. അതിനാല്‍ പോസ്റ്റല്‍ ബാലറ്റ് എണ്ണാതെ നേരിട്ട് ഇലക്ട്രോണിക് വോട്ടിംഗ് യന്ത്രത്തിലെ വോട്ടെണ്ണലിലേക്ക് കടക്കാനാവും. 35 വാര്‍ഡുകളിലായി 111 സ്ഥാനാര്‍ഥികളാണു മത്സര രംഗത്തുണ്ടായിരുന്നത്. നിലവില്‍ എല്‍ഡിഎഫിന് 28 സീറ്റും യുഡിഎഫിന് 7 സീറ്റുമാണ്.
