മുഖ്യമന്ത്രി പിണറായി വിജയനെ പ്രശംസിച്ച് കോണ്‍ഗ്രസ് നേതാവ് ശശി തരൂര്‍ എം.പി. പിണറായി വിജയന്‍ കാര്യക്ഷമതയുള്ള വാക്കുപാലിക്കുന്ന നേതാവാണെന്നായിരുന്നു ശശി തരൂരിൻ്റെ പ്രതികരണം. ദ ന്യൂ ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തിലായിരുന്നു തരൂര്‍ മുഖ്യമന്ത്രിയെ പ്രശംസിച്ചത്. മുഖ്യമന്ത്രിയുമായി പല തവണ സംസാരിക്കാന്‍ അവസരം ലഭിച്ചിട്ടുണ്ട്. കാര്യങ്ങളില്‍ ആശയവ്യക്തതയുള്ളയാളാണ് അദ്ദേഹമെന്നാണ് എൻ്റെ അനുഭവം. അദ്ദേഹത്തോട് തനിക്ക് വലിയ ബഹുമാനമാണെന്നും തരൂര്‍ പറഞ്ഞു.
അതേസമയം ബിജെപിയടക്കമുള്ളവര്‍ക്ക് അവരുടെ പാര്‍ട്ടിയില്‍ താന്‍ ചേരണമെന്ന് ആഗ്രഹമുണ്ടെന്നും ശശി തരൂര്‍ പറഞ്ഞു.
