കൊച്ചിയിൽ കോൺഗ്രസുകാർ പരസ്പരം ഏറ്റുമുട്ടി. കോൺഗ്രസിന്റെ നവസങ്കൽപ്പ് യാത്രക്കിടയിലാണ് കൊച്ചിയിൽ സംഘർഷമുണ്ടായത്. സംഘർഷത്തിൽ കോൺഗ്രസ് തൃപ്പൂണിത്തറ മണ്ഡലം പ്രസിഡന്റ് രതീഷിന് സാരമായി പരിക്കേറ്റു. തലക്കടിയേറ്റ രതീഷിനെ ആശുപത്രിയിൽ പ്രവേശിപ്പിച്ചു.
കുപ്പിയും കമ്പിവടിയും ഉപയോഗിച്ച് തൃപ്പൂണിത്തുറ ബ്ലോക്ക് പ്രസിഡന്റ് വിനോദിന്റെ നേതൃത്വത്തിലുള്ള പന്ത്രണ്ടംഗ സംഘമാണ് തന്നെ ആക്രമിച്ചതെന്ന് രതീഷ് പറഞ്ഞു. ബ്ലോക്ക് പ്രസിഡന്റ് വിനോദിനെതിരെ കോൺഗ്രസ് ജില്ലാ അധ്യക്ഷന് പരാതി നൽകിയതാണ് ആക്രമണത്തിന് കാരണമെന്നും ഉടൻ പോലീസിൽ പരാതി നൽകുമെന്നും രതീഷ് പറഞ്ഞു.
