2022 കോമൺവെൽത്ത്‌ ഗെയിംസ്‌ പുരുഷ ഹോക്കിയിൽ ഇന്ത്യ ഫെെനൽ യോഗ്യത നേടി. രണ്ടിനെതിരെ മൂന്ന് ഗോളുകൾക്ക് ദക്ഷിണാഫ്രിക്കയെയാണ് ഇന്ത്യൻ ടീം തോൽപ്പിച്ചത്. നാളെയാണ് ഫെെനൽ. അഭിഷേക്, മൻദീപ് സിങ്, ജുഗ്-രാജ് സിങ് എന്നിവരാണ് ദക്ഷിണാഫ്രിക്കക്കെതിരെ ഗോൾ നേടിയത്.
മികച്ച പ്രകടനം കാഴ്ചവെച്ച ദക്ഷിണാഫ്രിക്കയെ ഗോൾ കീപ്പർ പി ആർ ശ്രീജേഷ് കൃത്യമായി പ്രതിരോധിച്ചു. നാളെയാണ് ഫൈനൽ പോരാട്ടം. അതേസമയം ഇന്ത്യൻ വനിതാ ഹോക്കി ടീമിന് സെമി ഫൈനൽ കടക്കാൻ സാധിച്ചില്ല. സെമി ഫൈനലിൽ ഓസ്‌ട്രേലിയയോട് 1 – 1 ന് സമനില വഴങ്ങിയ ഇന്ത്യൻ ടീം ഷൂട്ടൗട്ടിലാണ് പുറത്തായത്.
