2022 കോമൺ വെൽത്ത് ഗെയിംസിൽ ഇന്ത്യൻ താരം ജാസ്മിൻ ലംബോറിയക്ക് വെങ്കലം. ബോക്സിങ്ങിൽ വനിതകളുടെ 60 കിലോ ലൈറ്റ് വെയ്റ്റ് വിഭാഗത്തിലാണ് ജാസ്മിൻ വെങ്കലം നേടിയത്. 20 കാരിയായ ജാസ്മിന്റെ ആദ്യ കോമൺവെൽത്ത് ഗെയിംസ് മെഡലാണിത്. 2021 ൽ ഏഷ്യൻ ബോക്സിങ് ചാമ്പ്യൻ ഷിപ്പിൽ ജാസ്മിൻ വെങ്കല മെഡൽ കരസ്ഥമാക്കിയിട്ടുണ്ട്.
മൂന്നാം സ്ഥാനത്തിനായുള്ള മത്സരത്തിൽ ഇംഗ്ലണ്ടിന്റെ ജെമ്മ പെയ്ജിനെ 3 – 2 നാണ് ജാസ്മിൻ ലംബോറിയ പരാജയപ്പെടുത്തിയത്. അമിത് പംഗൽ, മുഹമ്മദ് ഹുസ്സാമുദ്ദീൻ, രോഹിത് ടോകാസ്, സാഗർ അഹ്ലാവദ്, നീതു ഘൻഘാസ്, നിഖാത് സരിൻ തുടങ്ങിയ ബോക്സർമാരെല്ലാം കോമൺ വെൽത്ത് ഗെയിംസിലെ ഇന്ത്യയുടെ മെഡൽ പ്രതീക്ഷയാണ്.
