മൂന്നാർ കുണ്ടള പുതുക്കുടി എസ്റ്റേറ്റിൽ ഉരുൾപൊട്ടൽ. പുതുക്കുടി ഡിവിഷനിലാണ് ഉരുൾപൊട്ടിയത്. വ്യാപകമായ നാശനഷ്ടമുണ്ടെങ്കിലും ആളപായമില്ല. രാത്രി ഒരു മണിയോടെ ഉണ്ടായ ഉരുൾപൊട്ടലിൽ ഒരു ക്ഷേത്രവും രണ്ട് കടകളും ഒരു ഓട്ടോറിക്ഷയും മണ്ണിനടിയിലായി. ഉരുൾപൊട്ടലിൽ പുതുക്കുടിയിലെ റോഡ് തകരുകയും ഗതാഗതം പൂർണ്ണമായും തടസപ്പെടുകയും ചെയ്തു.
രാത്രി എസ്റ്റേറ്റ് പരിസരത്ത് ആളുകൾ ഇല്ലാതിരുന്നതിനാൽ വൻ ദുരന്തം ഒഴിവായി. പോലീസും ഫയർഫോയ്‌സും അടങ്ങുന്ന സംയുക്ത സംഘം പ്രദേശത്തെ 175 കുടുംബങ്ങളെ സുരക്ഷിത സ്ഥാനത്തേക്ക് മാറ്റിപ്പാർപ്പിച്ചു. പുതുക്കുടി ഡിവിഷനിൽ ദുരിതാശ്വാസ ക്യാമ്പും തുറന്നിട്ടുണ്ട്.
