സ്വന്തം പേര് മാറ്റാനുള്ള അവകാശം മൗലികാവകാശത്തിന്റെ ഭാഗം

സ്വന്തം പേര് മാറ്റാനുള്ള അവകാശം മൗലികാവകാശത്തിന്റെ ഭാഗം തന്നെ. അലഹബാദ് ഹൈക്കോടതിയാണ് കഴിഞ്ഞ ദിവസം ശ്രദ്ധേയമായ ഈ നിരീക്ഷണം നടത്തിയത്. ഉത്തര്‍പ്രദേശ് സെക്കന്‍ഡറി എജ്യുക്കേഷന്‍ ബോര്‍ഡ് പേര് മാറ്റാനുള്ള അപേക്ഷ തള്ളിയതിനെത്തുടര്‍ന്ന രജ്‌നി ശ്രീവാസ്തവ എന്ന യുവതി നല്‍കിയ ഹര്‍ജി പരിഗണിക്കവെയായിരുന്നു കോടതിയുടെ നിരീക്ഷണം. പേര് മാറ്റാനുള്ള അവകാശം ആര്‍ട്ടിക്കിള്‍ 19 (1)(a ) യുടെ ഭാഗമാണ്. അത് നിഷേധിക്കാന്‍ പാടില്ലെന്നായിരുന്നു ജസ്റ്റിസ് പങ്കജ് ഭാട്ട്യ അധ്യക്ഷനായ ബെഞ്ച് വ്യക്തമാക്കിയത്. ഹര്‍ജി അനുവദിച്ച കോടതി ബന്ധപ്പെട്ട അധികാരികളോട് യുവതിയുടെ പേര് മാറ്റാന്‍ ആവശ്യമായ നടപടിക്രമങ്ങള്‍ സ്വീകരിക്കണമെന്നും നിര്‍ദേശിച്ചു.