യുഎപിഎ നിയമം പിൻവലിക്കാനാവില്ലെന്ന് കേന്ദ്രസർക്കാർ

ദില്ലി: യുഎപിഎ നിയമം പിൻവലിക്കാനാവില്ലെന്ന് വ്യക്തമാക്കി കേന്ദ്ര സർക്കാർ. ആഭ്യന്തര സഹമന്ത്രി നിത്യാനന്ദ റായിയാണ് ഇക്കാര്യം രാജ്യസഭയിൽ വ്യക്തമാക്കിയത്. ഭീകരതയോട് വിട്ടുവീഴ്ചയുണ്ടാവില്ല. തീവ്രവാദികളുടെ സമൂല നാശമാണ് സർക്കാരിന്റെ ലക്ഷ്യമെന്നും പറഞ്ഞു. യുഎപിഎ നിയമം ദുരുപയോഗം ചെയ്യപ്പെടുകയാണെന്നും, സ്വാതന്ത്യത്തിന്റെ 75-ാം വാർഷികം പ്രമാണിച്ച് പിൻവലിക്കാൻ ആലോചനയുണ്ടോയെന്ന സിപിഐ എംപി സന്തോഷ് കുമാറിന്റെ ചോദ്യത്തിന് മറുപടി നൽകുകയായിരുന്നു മന്ത്രി.