കെ എം മാണിയെ മറികടന്ന് ഉമ്മൻചാണ്ടി

തിരുവനന്തപുരം: കേരള നിയമസഭയിൽ ഏറ്റവും കൂടുതൽ കാലം അംഗമായയാൾ എന്ന റെക്കോർഡ് ഇനി മുതൽ പുതുപ്പള്ളി എംഎൽഎ ഉമ്മൻചാണ്ടിക്ക് സ്വന്തം. ഇന്ന് നിയമസഭയിൽ 18728 ദിവസം തികച്ചിരിക്കുകയാണ് മുൻ മുഖ്യമന്ത്രി ഉമ്മൻചാണ്ടി. മുൻ ധനകാര്യ മന്ത്രിയും കേരളാ കോൺഗ്രസ് (എം) നേതാവുമായിരുന്ന കെ എം മണിയെയാണ് ഉമ്മൻ‌ചാണ്ടി മറികടന്നത്. അതേസമയം മന്ത്രിമാരിൽ 10-ാം സ്ഥാനവും മുഖ്യമന്ത്രിമാരിൽ നാലാം സ്ഥാനത്തുമാണ് ഉമ്മൻചാണ്ടി. 1970 മുതലാണ് ഉമ്മൻ ചാണ്ടി പുതുപ്പള്ളി നിയോജകമണ്ഡലത്തെ പ്രതിനിധികരിച്ചുകൊണ്ട് നിയമസഭയിൽ എത്തുന്നത്. 1970 മുതൽ 2021 വരെ തുടർച്ചയായി 12 തവണ ഉമ്മൻചാണ്ടി നിയമസഭയിലേക്ക് വിജയിച്ചിട്ടുണ്ട്. രണ്ട് തവണ മന്ത്രിയായും ഒരു തവണ പ്രതിപക്ഷ നേതാവായും നാല് തവണ മന്ത്രിയായും ചുമതലയേറ്റു. വിവിധ മന്ത്രിസഭകളിലായി തൊഴിൽ, ആഭ്യന്തരം, ധനകാര്യം എന്നീ വകുപ്പുകളാണ് കൈകാര്യം ചെയ്തത്.