ചൈനയുമായിയുള്ള വ്യാപാരബന്ധം വർധിച്ചതായി കേന്ദ്രം

ന്യൂഡൽഹി: അഞ്ചുവർഷത്തിനിടെ ചൈനയിൽനിന്ന് ഇന്ത്യയിലേക്കുള്ള ചരക്കുവ്യാപാരമൂല്യം 29 ശതമാനം വർധിച്ചതായി കേന്ദ്രസർക്കാർ. 2017- 18ൽ 89,714 കോടി ഡോളറായിരുന്നത് 2021- 22ൽ 1,15,419 കോടി ഡോളറായി ഉയർന്നതായി വാണിജ്യസഹമന്ത്രി അനുപ്രിയ പട്ടേൽ ലോക്സഭയെ അറിയിച്ചു. വൈദ്യുതോപകരണങ്ങൾ, ടെലിവിഷൻ സെറ്റുകൾ, സൗണ്ട് റെക്കോഡറുകൾ തുടങ്ങിയവയുമായി ബന്ധപ്പെട്ടാണ് കൂടുതൽ വ്യാപാരം നടന്നത്.