കയർ ഫാക്ടറി തൊഴിലാളികളുടെ വേതനം കൂട്ടി

സംസ്ഥാനത്തെ കയർ ഫാക്ടറി തൊഴിലാളികളുടെ വേതനഘടന പരിഷ്കരിച്ച് കൂലി വർധിപ്പിക്കുമെന്ന് മന്ത്രി പി രാജീവ് പറഞ്ഞു. തൊഴിലാളി- തൊഴിലുടമാ പ്രതിനിധികളുമായുള്ള യോഗശേഷമാണ് തീരുമാനം അറിയിച്ചത്. വേദന നിർണയത്തിൽ 60 വർഷമായി നിലനിന്ന അശാസ്ത്രീയത പരിഹരിക്കാനായത് ചരിത്രനേട്ടമാണ്. തൊഴിലാളികൾക്ക് ഒമ്പതു ശതമാനം ശമ്പള വർധന ലഭിക്കും. 2018 ലാണ് അവസാനം ശമ്പളം പരിഷ്കരിച്ചത് , എട്ടു ശതമാനമായിരുന്നു വർധന. പുരുഷ തൊഴിലാളികൾക്ക് 748.11 രൂപയായിരുന്നു ദിവസക്കൂലി 815.44 രൂപയാകും. ദിവസം 67.33 രൂപയുടേതും മാസം ശരാശരി 2000 രൂപയുടെയും വർധന. സ്ത്രീത്തൊഴിലാളികൾക്ക് 624 . 66 രൂപയിൽനിന്ന് 680 . 88 ആകും. ഓഗസ്റ്റ് ഒന്നുമുതൽ പ്രാബല്യമുണ്ട്. കൂലി പുതുക്കി നിശ്ചയിക്കുന്നതിന്റെ കാലതാമസം പരിഗണിച്ച് 30 ദിവസം സമയം നൽകും.