പണം വച്ച് ചീട്ടുകളി; പോലീസുകാർക്ക് സസ്പെൻഷൻ

പണംവച്ച് ചീട്ടുകളിച്ചതിന് പിടിക്കപ്പെട്ട പോലീസുകാരെ സസ്‌പെൻഡ് ചെയ്തു. എസ്.ഐ അനിലിനും സി.പി.ഒ അനൂപ് കൃഷ്ണനുമെതിരെയാണ് നടപടി. പത്തനംതിട്ട എ ആർ ക്യാമ്പിലെ ഉദ്യോഗസ്ഥനാണ് എസ് കെ അനിൽ. പാലക്കാട് എ ആർ ക്യാമ്പിലെ ഉദ്യോഗസ്ഥനാണ് അനൂപ് കൃഷ്ണൻ. ഈ മാസം 16നാണ് കുമ്പനാട് നാഷണൽ ക്ലബിൽ പത്തനംതിട്ട ജില്ലാ പോലീസ് മേധാവിയുടെ നേതൃത്വത്തിൽ പരിശോധന നടത്തിയത്. സംഭവത്തിൽ 11 പേർ അറസ്റ്റിലാവുകയും പത്ത് ലക്ഷത്തിലധികം രൂപ പിടിച്ചെടുക്കുകയും ചെയ്തു. ഇന്നലെ വൈകിട്ടാണ് ഉദ്യോഗസ്ഥർക്കെതിരെ നടപടിയുണ്ടായത്.