78 ശതമാനം ഫയലും തദ്ദേശ സ്ഥാപനങ്ങൾ തീർപ്പാക്കി

തിരുവനന്തപുരം: ഫയലുകൾ തീർപ്പാക്കുന്നതിൽ തദ്ദേശ ഭരണ സ്ഥാപനങ്ങൾക്ക് റെക്കോഡ് വേഗം. ഇതുവരെ 407590 ഫയലുകളാണ് പുതിയ സാമ്പത്തിക വർഷത്തിൽ തീർപ്പാക്കിയത്. ഞായറാഴ്ച വൈകുന്നേരം 5 വരെയുള്ള കണക്കാണിത്. 528636 അപേക്ഷകളിൽ ഇനി 121046 ഫയലുകൾ മാത്രമാണ് തീർപ്പാക്കാനുള്ളത്. തദ്ദേശഭരണ സേവനങ്ങളിൽ സിറ്റിസൺ പോർട്ടൽ സംവിധാനമായ ഇന്റഗ്രറ്റഡ് ലോക്കൽ ഗവേണൻസ് മാനേജ്മെന്റ് സിസ്‌റ്റം കൊണ്ടുവന്നതോടെയാണ് റെക്കോഡ് നേട്ടം കൈവരിക്കണത്.