എൻ ഡി യെ സ്ഥാനാർത്ഥിക്ക് വോട്ട് ചെയ്ത് കോൺഗ്രസ് എം എൽ എ

ഒഡിഷ: പാർട്ടി നിലപാടിന് വിരുദ്ധമായി രാഷ്‌ട്രപതി തെരഞ്ഞെടുപ്പിൽ എൻ ഡി എ സ്ഥാനാർഥി ദ്രൗപതി മുർമുവിന് വോട്ട് ചെയ്ത് ഒഡിഷയിലെ കോൺഗ്രസ് എം എൽ എ മുഹമ്മദ് മൊഖിം. “ഇതെന്റെ വ്യക്തിപരമായ തീരുമാനമാണ്. ഞാനെന്റെ ഹൃദയം പറഞ്ഞത് കേട്ടു. എന്റെ മണ്ണിനു വേണ്ടി എന്തെങ്കിലും ചെയ്യണമെന്നാണ് ഹൃദയം പറഞ്ഞത്. അതിനാലാണ് ദ്രൗപതി മുർമുവിന് വോട്ട് ചെയ്തത്”- എം.എൽ.എ പറഞ്ഞു. പാർലമെന്റിലും സംസ്ഥാന നിയമസഭകളിലും വൈകിട്ട് അഞ്ചു വരെ രഹസ്യ ബാലറ്റിലൂടെയാണ് വോട്ടെടുപ്പ് നടക്കുന്നത്.