സിംഗപ്പൂർ ഓപ്പൺ ബാഡ്മിന്റൺ കിരീടം പി വി സിന്ധുവിന്

സിങ്കപ്പൂർ: സിങ്കപ്പൂർ ഓപ്പണ്‍ സൂപ്പര്‍ 500 സീരിസ് ബാഡ്മിന്റണ്‍ ടൂര്‍ണമെന്റില്‍ ഇന്ത്യയുടെ പി.വി.സിന്ധുവിന് കിരീടം. ഫൈനലിൽ ഏഷ്യന്‍ ചാമ്പ്യന്‍ഷിപ്പിലെ സ്വര്‍ണമെഡല്‍ ജേതാവും ലോക 11-ാം നമ്പര്‍ താരവുമായ ചൈനയുടെ ഷിയി വാങ്ങിനെ തോൽപിച്ചാണ് സിന്ധു കിരീടം നേടിയത്. സ്കോർ: 21-9 , 11-21 , 21 -15. സിന്ധുവിന്‍റെ ആദ്യ സിംഗപ്പൂര്‍ ഓപ്പണ്‍ കിരീടമാണിത്. സീസണില്‍ സിന്ധുവിന്‍റെ മൂന്നാം കിരീടം കൂടിയാണിത്. ഇതാദ്യമായാണ് സിന്ധു സിങ്കപ്പൂർ ഓപ്പണ്‍ ബാഡ്മിന്റണിന്റെ ഫൈനലില്‍ പ്രവേശിക്കുന്നത്. ഇതിനുമുൻപ് 2019-ല്‍ പി വി സിന്ധു സെമി ഫൈനലിൽ എത്തിയിരുന്നു. സൈന നേവാളിന് ശേഷം സിങ്കപ്പുര്‍ ഓപ്പണ്‍ കിരീടം നേടുന്ന രണ്ടാമത്തെ ഇന്ത്യന്‍ താരം കൂടിയാണ് സിന്ധു..