ചരിത്രത്തിലെ ഏറ്റവും വലിയ ലാഭ വിഹിതവുമായി കെഎംഎംഎൽ

കേരള മിനറൽസ് ആൻഡ് മെറ്റൽസ് ലിമിറ്റഡ് ( കെഎംഎംഎൽ ) ലാഭവിഹിതം സംസ്ഥാന സർക്കാരിന് കൈമാറി. വ്യവസായ മന്ത്രി പി രാജീവും വ്യവസായ വകുപ്പ് പ്രിൻസിപ്പൽ സെക്രട്ടറിയും കെഎംഎംഎൽ ചെയർമാനുമായ സുമൻ ബില്ലയും ചേർന്നാണ് മുഖ്യമന്ത്രി പിണറായി വിജയന് കമ്പനിയുടെ ലാഭവിഹിതം കൈമാറിയത്. 9,27,98,160 രൂപയാണ് ലാഭവിഹിതമായി നൽകിയത്. മൂലധനത്തിന്റെ മുപ്പത് ശതമാനമാണിത്. ഈ സാമ്പത്തിക വർഷം 32,800 ടൺ വിൽപ്പന നടത്തിയ സ്ഥാപനം 1058 കോടിയുടെ വിറ്റുവരവ് നേടി. 310.5 കോടി രൂപയാണ് 2021-2022 സാമ്പത്തിക വർഷത്തെ ലാഭം. ഇത് കെഎംഎംഎൽ ചരിത്രത്തിലെ ഏറ്റവും വലിയ വിറ്റുവരവും ലാഭവിഹിതവുമാണ്.