ബിജെപി ഇരിക്കാന്‍ പറയുന്നു കോണ്‍ഗ്രസ് മുട്ടിലിഴയുന്നു

മതേതര വിശ്വാസികള്‍ക്ക് കോണ്‍ഗ്രസ് ഇനി ഒരു അഭയകേന്ദ്രമല്ലെന്ന് ഒരിക്കല്‍ക്കൂടി തെളിയിക്കുന്നതാണ് ടീസ്റ്റ സെതല്‍വാദിന്റെ അറസ്റ്റ് വിഷയത്തിലെ അവരുടെ പ്രതികരണം. ബിജെപിയുടെ ബി ടീമായി മാത്രം ദേശീയ രാഷ്ട്രീയത്തില്‍ നിലപാടുകള്‍ കൈക്കൊള്ളുന്ന ഈ കോണ്‍ഗ്രസിനെ ഇനിയും വിശ്വസിക്കുന്നത് മതന്യൂനപക്ഷങ്ങള്‍ക്കുണ്ടാക്കാന്‍ പോകുന്ന അപകടം ചെറുതായിരിക്കില്ല.ബിജെപിയെ ഭയന്ന് കോണ്‍ഗ്രസ് നിലപാടില്‍ വെള്ളം ചേര്‍ത്തപ്പോള്‍ സിപിഎമ്മിന് ഈ ഭരണകൂട ഭീകരതയ്‌ക്കെതിരെ ശബ്ദിക്കാന്‍ ഒട്ടും മടിയുണ്ടായില്ല. കോണ്‍ഗ്രസിന് സിന്ദാബാദ് വിളിക്കുന്ന മുസ്ലീംലീഗ് ഈ ഇരട്ടത്താപ്പിനെതിരെ ഒരക്ഷരം ഇതുവരെയായി സംസാരിച്ചിട്ടില്ല. കോണ്‍ഗ്രസ് വച്ചുനീട്ടുന്ന അധികാരത്തിന്റെ അപ്പക്കഷ്ണം തിന്നാന്‍ മാത്രം വായ തുറക്കുന്ന ലീഗില്‍ നിന്ന് ഇതില്‍കൂടുതല്‍ പ്രതീക്ഷിക്കുന്നതിലും അര്‍ത്ഥമില്ല.