വധശ്രമത്തിന് പിന്നിൽ കെ സുധാകരൻ തുറന്ന് സമ്മതിച്ച് കോൺഗ്രസ് നേതാവ്

ഇ പി ജയരാജനെ വധിക്കാന്‍ ശ്രമിച്ചത് കെ പി സി സി പ്രസിഡന്റ് കെ സുധാകരാണെന്ന് പരസ്യമായ രഹസ്യമാണ്. പല വിധത്തില്‍ അത് തേച്ചുമാച്ച് കളഞ്ഞതുകൊണ്ടാണ് സുധാകരന്‍ ഇപ്പോഴും ഈ കേസില്‍ ജയിലില്‍ കിടക്കാത്തത്. എന്നാല്‍ ഇപ്പോള്‍ കെ പി സി സി സെക്രെട്ടറിയും മുതിര്‍ന്ന കോണ്‍ഗ്രസ് നേതാവുമായ ബി ആര്‍ എം ഷഫീര്‍ തന്നെ വധശ്രമത്തിന് പിന്നിലെ സുധാകരന്റെ പങ്ക് മനോരമ ചാനല്‍ ചര്‍ച്ചയില്‍ പരസ്യമായി വിളിച്ചുപറയുകയാണ് ചെയ്തിരിക്കുന്നത്. . ഏറെ അഭിമാനത്തോടെയാണ് കോണ്‍ഗ്രസ് പ്രതിനിധി ഈ കാര്യം വിളിച്ചു പറയുന്ന്ത് , ഒരു നാക്ക് പിശകയോ നിസാരമായോ കാണാന്‍ കഴിയുന്ന കാര്യമല്ല ഇത് . കാരണം ഫേസ്ബുക്കിലും ഇ പി ജയരാജനെ ഞങ്ങള്‍ അക്രമിച്ചതാണ് എന്ന രൂപേണ ഇ പി ജയരാജന് പരിക്ക് പറ്റിയ ഭാഗത്തെ ചിത്രം ഇയാള്‍ തന്നെ പങ്കുവെച്ചിരുന്നു. ഇതൊന്നും പോരാഞ്ഞ് അവതാരകന്‍ എടുത്തെടുത്തു ചോദിച്ചപ്പോഴും വീരവാദം മുഴക്കുന്നത് ഇയാള്‍ തുടരുകയും ചെയ്തു.