കനലൊരു തരി മതി

കനലൊരു തരി മതിയെന്നത് അവർ ഈ രാജ്യത്തിന് കാണിച്ചു തന്നു. ആളെണ്ണം പറഞ്ഞ് പരിഹസിക്കാൻ ഇനിയും ഒരുമ്പെടുന്നവർ കനലൊരു തരി എങ്ങനെയാണ് ആളിക്കത്തുകയെന്നത് ഇനിയെങ്കിലും കാണണം. ഒരിക്കൽ പോലും ഡെൽഹിയിൽ സിപിഎം എന്ന പാർട്ടി ഭരണം നടത്തിയിട്ടില്ല. ആ പാർട്ടിക്ക് രാം ലീല മൈതാനത്ത് ആളെ നിറക്കാൻ ശേഷിയുണ്ടാകില്ല. എന്നാൽ ആ പാർട്ടിയും അതിന്റെ നേതാവുമാണ് ഇന്ന് ഡെൽഹിയിലെ അശരണരായ ആ ജനങ്ങൾക്ക് ആലംബമായത് . ഇങ്ങനെയുള്ള ചെറുകനലുകൾ ഒറ്റയും കൂട്ടമായും കാവൽ നിൽക്കുന്നതാണ് ഈ നാടിന്റെ വെളിച്ചമെന്ന് വിമർശകർ ഇനിയെങ്കിലും തിരിച്ചറിയട്ടെ