ചെന്നിത്തലക്കെതിരെയും നടപടിയെടുക്കുമോ സുധാകരാ?

സംസ്ഥാനങ്ങളെ സാമന്ത രാജ്യമായി മാത്രം പരിഗണിക്കുന്ന കേന്ദ്ര സര്‍ക്കാരിന്റെ സമീപനം രാജ്യത്തിന്റെ ഫെഡറല്‍ ഘടനയെ ദുര്‍ബലമാക്കുകയാണ്. ഈ പശ്ചാത്തലത്തിലാണ് ഏറെ സമകാലിക പ്രാധാന്യമുള്ള കേന്ദ്ര സംസ്ഥാന ബന്ധങ്ങള്‍ എന്ന വിഷയത്തെ അടിസ്ഥാനമാക്കി സെമിനാര്‍ സംഘടിപ്പിക്കാന്‍ സിപിഐഎം തീരുമാനിച്ചത്. കേന്ദ്ര സംസ്ഥാന ബന്ധങ്ങളെ തകര്‍ക്കുന്ന ബിജെപി സമീപനം തുറന്നുകാട്ടാന്‍ കോണ്‍ഗ്രസിനെക്കൂടി സിപിഐഎം ക്ഷണിച്ചു. അങ്ങനെയാണ് മുന്‍ കേന്ദ്രമന്ത്രിയായ കെ വി തോമസിനെ ഈ വിഷയത്തില്‍ കോണ്‍ഗ്രസ് നിലപാട് വ്യക്തമാക്കാന്‍ സിപിഐഎം ക്ഷണിച്ചത്. ഒരു പാര്‍ട്ടിയുടെ നിലപാട് വിശദീകരിക്കാന്‍ മറ്റൊരു രാഷ്ട്രീയ പാര്‍ട്ടി വേദിയൊരുക്കുന്ന ജനാധിപത്യത്തിന്റെ സൗന്ദര്യമായിരുന്നു നാം കണ്ടത് . ഏതായാലും കോണ്‍ഗ്രസ് ആ ജനാധിപത്യ സംവാദത്തിനോട് മുഖം തിരിച്ചു.