കൊവിഡ് വ്യാപന നിയന്ത്രണങ്ങൾ ഇടയ്ക്കിടെ നീട്ടുന്നതിനാലും വിമാനയാത്രയിലും നിയന്ത്രണങ്ങൾ ഉള്ളതിനാലും, പശ്ചിമേഷ്യൻ ഗൾഫ് രാജ്യങ്ങളിലെ ആയിരക്കണക്കിന് പ്രവാസി ഇന്ത്യക്കാർക്ക് (എൻ‌ആർ‌ഐ) രണ്ട് വർഷത്തിലേറെയായി അവധിദിനങ്ങൾക്കോ അവധിക്കാലങ്ങൾക്കോ നാട്ടിലേക്ക് എത്തുവാൻ കഴിയുന്നില്ല.
ഏപ്രിൽ 24 ന് വീണ്ടും ആരംഭിച്ച വിമാന സർവ്വീസുകൾക്ക് പക്ഷെ ഇന്ത്യയിലെ കൊവിഡ് വ്യാപന പശ്ചാത്തലത്തിൽ താൽക്കാലീകമായി നിർത്തിവച്ചിരിക്കുകയാണ്. യാത്രാ നിയന്ത്രണങ്ങൾ നീക്കുമെന്ന് പലരും കരുതിയിരുന്നെങ്കിലും ഗൾഫ് ഭരണകൂടത്തിന്റെ തീരുമാനത്തിൽ മാറ്റമുണ്ടായില്ല. അതേസമയം യാത്രാ തടസ്സങ്ങളിൽ കുടുങ്ങിയ ഇന്ത്യക്കാർക്ക് ഗൾഫിലെ ബക്രീദ് അവധി വലിയ ആശ്വാസമായി.
എന്നിരുന്നാലും, ജൂൺ 23 മുതൽ യുഎഇ ഇന്ത്യൻ റെസിഡൻസി വിസ ഉടമകൾക്ക് അവരുടെ ജോലിയിലേക്കും കുടുംബങ്ങളിലേക്കും മടങ്ങാനുള്ള പ്രവേശന അനുമതി ഇളവ് ചെയ്തിരുന്നു. പുതുക്കിയ COVID-19 പ്രോട്ടോക്കോൾ പാലിക്കുന്ന യുഎഇ പൗരന്മാർക്കും ഗോൾഡൻ റെസിഡൻസി വിസ ഉടമകൾക്കും നയതന്ത്രജ്ഞർക്കും നൽകിയ ഇളവുകളുടെ തുടർനടപടിയാണിത്.
എന്നാൽ നാട്ടിലേക്കു മടങ്ങാതെ ഈ കൊവിഡ് കാലത്ത് പ്രവാസികളിൽ പലരും കടുത്ത വിഷാദരോഗത്തിന്റെ വക്കിലാണ്.
“മെഡിക്കൽ പ്രശ്‌നങ്ങളുള്ള ആളുകൾക്ക് പോലും മാതാപിതാക്കളെ കാണാൻ കഴിയില്ല. മരുന്നുകളുടെ വില ഇന്ത്യയേക്കാൾ പലമടങ്ങ് കൂടുതലാണെങ്കിലും കുടുംബങ്ങൾക്ക് വീട്ടിലേക്ക് മരുന്ന് അയയ്ക്കാൻ കഴിയില്ല, ”അദ്ദേഹം കൂട്ടിച്ചേർത്തു.
