ആലപ്പുഴ: പ്രതിപക്ഷ നേതാവ് വി ഡി സതീശനെ തെറി വിളിച്ച് കെപിസിസി പ്രസിഡന്റ് കെ സുധാകരൻ. ആലപ്പുഴയിലെ സമരഗ്‌നിപരിപാടിയുടെ വാർത്താ സമ്മേളനത്തിൽ എത്താൻ വൈകിയതിലാണ് സുധാകരൻ സതീശനെ തെറി വിളിച്ചത്. പത്രസമ്മേളനത്തിനായി കെ സുധാകരൻ എത്തി 20 മിനിറ്റ് വൈകിയാണ് വി ഡി സതീശൻ എത്തിയത്.
ഇതോടെ കെ സുധാകരൻ അസ്വസ്ഥനാകുകയായിരുന്നു. തുടർന്ന് ബാബു പ്രസാദിനോട് സതീശൻ എവിടെയെന്ന് സുധാകരൻ തിരക്കി, ‘ഒന്ന് വിളിച്ച് നോക്കാൻ പറ, ഇയാൾ എവിടെയെന്ന്. ഇയാൾ എന്ത് “#$%@^*@’ പരിപാടിയാണ് പത്രക്കാരോട് പറഞ്ഞിട്ട് എന്തൊരു മോശമാണിത്’, സുധാകരൻ പറഞ്ഞു. ഷാനിമോൾ ഉസ്മാൻ ഇടപെട്ട് മാധ്യമങ്ങളുടെ മൈക്ക് ഓൺ ആണെന്ന് കെ സുധകരനെ ഓർമിപ്പിച്ചു. ഇതോടെയാണ് സംസാരം അവസാനിപ്പിച്ചത്.
