തിരുവനന്തപുരം: അങ്കണവാടി, ആശ ജീവനക്കാരുടെ വേതനം ഉയർത്തിയതായി ധനമന്ത്രി കെ എൻ ബാലഗോപാൽ. 1000 രൂപ വരെയാണ്‌ വർധന. പത്തു വർഷത്തിലധികമായ അങ്കണവാടി വർക്കർ മാർക്കും ഹെൽപ്പർ മാർക്കും നിലവിലുള്ള വേതനത്തിൽ 1000 രൂപ വർധനവ് ലഭിക്കും. മറ്റുള്ളവർക്കെല്ലാം 500 രൂപയുടെ വർധനവുണ്ട്‌. 62,852 പേർക്കാണ്‌ വേതന വർധന ലഭിക്കുന്നത്‌. ഇതിൽ 32,989 പേർ വർക്കർമാരാണ്‌.
ആശ വർക്കർമാരുടെ വേതനത്തിലും 1000 രുപ വർധനവ് വരുത്താൻ തീരുമാനിച്ചു. 26,125 പേർക്കാണ്‌ നേട്ടം. ഡിസംബർ മുതൽ വേതന വർധനവ് പ്രാബല്യത്തിൽ വരുമെന്നും ധനമന്ത്രി അറിയിച്ചു.
