കോഴിക്കോട്: അപമര്യാദയായി പെരുമാറിയ സംഭവത്തിൽ മുൻ എംപിയും ബിജെപി നേതാവുമായ സുരേഷ് ഗോപിക്കെതിരെ മാധ്യമപ്രവർത്തക പരാതി നൽകി. കോഴിക്കോട് സിറ്റി പോലീസ് കമ്മീഷണർക്കാണ് ഷിദ ജഗത് പരാതി നൽകിയത്. സംഭവത്തിൻ്റെ വീഡിയോ ദൃശ്യങ്ങളും പോലീസിന് കൈമാറിയിട്ടുണ്ടെന്നാണ് വിവരം. പരാതി നടക്കാവ് പോലീസിന് കൈമാറിയിട്ടുണ്ടെന്ന് കമീഷണർ അറിയിച്ചു.
സ്ത്രീത്വത്തെ അപമാനിക്കുന്നതും മോശം ഉദ്ദേശത്തോടെയുമുള്ള പെരുമാറ്റവും സുരേഷ് ഗോപിയിൽ നിന്നുണ്ടായെന്നും പരാതിയിൽ പറയുന്നു.
