കണ്ണൂർ: പ്രകോപന മുദ്രാവാക്യമുയർത്തി കണ്ണൂരിൽ ബജ്‌റംഗ്ദളിൻ്റെ റാലി. ബജ്‌റംഗ്ദൾ ഇരിട്ടി, മട്ടന്നൂർ പ്രഖണ്ഡുകളുടെ നേതൃത്വത്തിൽ ഇരിട്ടിയിൽ നടത്തിയ ശൗര്യറാലിയിലാണ് പ്രകോപന മുദ്രാവാക്യങ്ങൾ ഉയർത്തിയത്.
‘അയോധ്യയുടെ തെരുവീഥികളിൽ, തൊണ്ണൂറ്റിരണ്ട് കാലത്ത് പട്ടാളത്തെ തച്ചുതകർത്ത് ബാബർ പള്ളി പൊളിച്ചവർ ഞങ്ങൾ, ജയ് ജയ് ബജ്‌റംഗി, ബജ്‌റംഗിയുടെ ശൗര്യ റാലിയെ തടഞ്ഞുനിർത്താൻ ആരുണ്ടിവിടെ എന്നാലക്കളി കാണട്ടെ.. എവിടെ പോയി പോപ്പുലർ ഫ്രണ്ട്, എവിടെ പോയി ക്യാമ്പസ് ഫ്രണ്ട്..’ എന്നിങ്ങനെയായിരുന്നു മുദ്രാവാക്യം.
കൈരാതി കിരാത ക്ഷേത്ര പരിസരത്ത് നിന്നും ആരംഭിച്ച റാലി ഇരിട്ടി നഗരം ചുറ്റി പയഞ്ചേരി മുക്കിൽ സമാപിച്ചു. ബജ്‌റംഗ്ദൾ ജില്ലാ സംയോജക് സന്തോഷ് കാക്കയങ്ങാട്, ഇരിട്ടി പ്രഖണ്ഡ് സെക്രട്ടറി സുനിൽ പുന്നാട്, സേവാ പ്രമുഖ് ഷിജു കാർക്കോട്, മട്ടന്നൂർ പ്രഖണ്ഡ് സെക്രട്ടറി ഉണ്ണി മോച്ചേരി, സേവാ പ്രമുഖ് സുരേഷ് ചാവശ്ശേരി തുടങ്ങിയവരാണ് റാലിക്ക് നേതൃത്വം നൽകിയത്.
