കണ്ണൂർ: കണ്ണൂരിൽ കെ സുധാകരനെതിരെ പോസ്റ്റർ പ്രചരണവുമായി യൂത്ത് കോൺഗ്രസ്. കണ്ണൂർ ഡിസിസി ഓഫീസിന് മുന്നിലാണ് യൂത്ത് കോൺഗ്രസ് പോസ്റ്റർ പതിച്ചത്. കോൺഗ്രസ്സിനെ ആർഎസ്എസിൽ ലയിപ്പിക്കാനുള്ള നീക്കം പരാജയപ്പെടുത്തുക, ഗാന്ധി ഘാതകരെ സംരക്ഷിച്ച സുധാകരൻ കോൺഗ്രസിൻ്റെ ശാപം തുടങ്ങിയ മുദ്രാവാക്യങ്ങളാണ് പോസ്റ്ററിലുള്ളത്. ആർഎസ്എസ് ശാഖയ്ക്ക് കാവൽ നിന്ന പാരമ്പര്യം അപമാനകരം തുടങ്ങിയ വിമർശനങ്ങളും പോസ്റ്ററിലുണ്ട്.
ആർഎസ്എസ് അനുകൂല പരാമർശങ്ങളുടെ പേരിൽ പാർട്ടിക്കകത്തും മുന്നണിക്കകത്ത് നിന്നും സുധാകരൻ വിമർശനങ്ങൾ നേരിടുന്ന ഘട്ടത്തിലാണ് പോസ്റ്ററുകളും പ്രത്യക്ഷപ്പെട്ടത്.
